65 ആമത് ദേശീയ ചലച്ചിത്രപുരസ്‌കാരം വിതരണ വിവാദത്തില്‍ യേശുദാസിനെ വിമര്‍ശിച്ച് ഷമ്മി തിലകന്‍. ദേശീയ ചലച്ചിത്ര അവാര്‍ഡ് വിതരണം ഇത്തവണ ശ്രദ്ധേയമായത് കടുത്ത പ്രതിഷേധത്താലും ബഹിഷ്കരണത്താലുമാണ്. മലയാളത്തില്‍ നിന്നുള്ള പുരസ്കാര ജേതാക്കള്‍ ഉള്‍പ്പടെ 68 പേരാണ് പുരസ്കാര വിതരണം ബഹിഷ്കരിച്ചത്. രാഷ്ട്രപതി നേരിട്ട് അവാര്‍ഡ് വിതരണം ചെയ്യാത്തതില്‍ പ്രതിഷേധിച്ചായിരുന്നു ബഹിഷ്കരണം.
ദാസേട്ടാ നിങ്ങളും , കഷ്ടം എന്നാണ് ഷമ്മി തിലകന്‍ ഫെയ്‌സ്ബുക്കിലൂടെ പ്രതികരിച്ചത്. റോമന്‍ ചരിത്രത്തില്‍ ജൂലിയസ് സീസര്‍, ബ്രൂട്ടസിനോട് പറയുന്ന വാചകത്തിന് സമാനമായ പ്രയോഗമാണ് ഷമ്മി നടത്തിയിരിക്കുന്നത്.
യേസുദാസിനും ജയരാജിനുമെതിരെ മലയാള സിനിമാ ലോകം കടുത്ത ഭാഷയിലാണ് പ്രതികരിച്ചത്.