ആംബുലന്‍സിന്റെ വഴി തടസ്സപ്പെടുത്തി,കാര്‍ ഉടമയ്ക്ക് മോട്ടോര്‍ വാഹന വകുപ്പ് നോട്ടീസ് അയച്ചു

ഗുരുതരാവസ്ഥയിലുള്ള രോഗിയുമായി പോകുന്ന ആംബുലന്‍സിന്റെ വഴി തടസ്സപ്പെടുത്തി കാറ്.ബാലുശേരി താലൂക്ക് ആശുപത്രിയില്‍നിന്നു മെഡിക്കല്‍ കോളജ് ആശുപത്രിയിലേക്ക് പോകുകയായിരുന്നു ആംബുലന്‍സ്. പരമാവധി വേഗത്തില്‍ ആംബുലന്‍സുമായി ഡ്രൈവര്‍ ലക്ഷ്യസ്ഥാനത്തേക്കുളള കാര്‍ യാത്രയിലാണ് തടസ്സം ഉണ്ടാക്കിയത്. കിലോമീറ്ററുകളോളം മുന്നില്‍ കാര്‍ പോകുന്ന വീഡിയോയും പുറത്തുവന്നു. മാര്‍ക്ക് തടസ്സം സൃഷ്ടിച്ച കാര്‍ ഉടമയ്ക്ക് മോട്ടോര്‍ വാഹന വകുപ്പ് നോട്ടീസ് അയച്ചു.രോഗിയുടെ ബന്ധുക്കളാണ് പരാതി നല്‍കിയത്. 

കണ്ണാടിപ്പൊയില്‍ സ്വദേശിയായ രോഗിയുമായി പോകുകയായിരുന്നു ആംബുലന്‍സ്. രക്തസമ്മര്‍ദ്ദം കുറഞ്ഞ് ഗുരുതരാവസ്ഥയിലായിരുന്നു രോഗി.

ചേളന്നൂര്‍ 7/6 മുതല്‍ കക്കോടി ബൈപാസ് വരെ കാര്‍ മുന്നില്‍ തന്നെ പോയി. വഴിമാറി തരാന്‍ വേണ്ടി ഡ്രൈവര്‍ ഹോണ്‍ മുഴക്കുന്നതും വീഡിയോയില്‍ കാണാനായി. ഇടയ്ക്കിടെ കാര്‍ ബ്രേക്ക് ഇടുന്നതോടെ ആംബുലന്‍സിനുള്ളിലുള്ള രോഗിയുടെ ബന്ധുക്കള്‍ തെറിച്ച് വീഴുന്ന സാഹചര്യവും ഉണ്ടായി. കക്കോടി ബൈപാസില്‍ വെച്ചാണ് ആംബുലന്‍സ് കാറിനെ മറികടന്നത്. ബന്ധുക്കള്‍ ഇതിന്റെ വീഡിയോ പകര്‍ത്തിയിരുന്നു. പൊലീസിലും നന്മണ്ട എസ്ആര്‍ടിഒ അധികൃതര്‍ക്കും പരാതിയും ഇവര്‍ നല്‍കി.