അമ്മയെ മകൻ സ്കൂട്ടറോടിക്കാൻ പഠിപ്പിക്കുന്നതിനിടെ സ്കൂട്ടറടക്കം ഇരുവരും കിണറ്റിൽ വീണു

അമ്മയുടെയും മകന്റേയും സ്കൂട്ടർ പഠനം അവസാനിച്ചത് കിണറ്റിൽ

സ്കൂട്ടർ ഓടിക്കാൻ പഠിക്കുന്നതിനിടെ അമ്മയും മകനും കിണറ്റിൽ വീണു. കൂവപ്പടി പഞ്ചായത്ത് പത്താം വാര്‍ഡില്‍ മാവേലിപ്പടിയിലാണ് സംഭവം. പാറപ്പുറം വീട്ടില്‍ ജോസഫിന്റെ ഭാര്യ ലിസി (47), മകന്‍ അരുണ്‍ (21) എന്നിവരാണ് കിണറ്റിൽ വീണത്. ഫയര്‍ഫോഴ്‌സെത്തി ഇരുവരേയും രക്ഷപ്പെടുത്തി. 

അമ്മയെ സ്കൂട്ടർ ഓടിക്കാൻ പഠിപ്പിക്കുകയായിരുന്നു മകൻ. അബദ്ധത്തില്‍ വേഗം കൂടിയ സ്‌കൂട്ടര്‍ നിയന്ത്രണം വിട്ട് കിണറിലേക്ക് വീഴുകയായിരുന്നു. താൽക്കാലികമായി കല്ല് നിരത്തിവെച്ച സംരക്ഷണ ഭിത്തി മാത്രമായിരുന്നു കിണറിന് ചുറ്റിനും ഉണ്ടായിരുന്നത്. ഇരുവരേയും ആലുവ രാജഗിരി ആശുപത്രിയില്‍ പ്രവേശിപ്പിച്ചു.