കൊന്നത് അമീറുൽ ഇസ്ലാം, എങ്കിൽ കൊല്ലിച്ചതാര്?; അന്വേഷണത്തിൽ തൃപ്തിയില്ലെന്ന് അച്ഛൻ പാപ്പു

ജിഷയുടെ കൊലയാളിയെ അന്വേഷണ സംഘം പിടികൂടിയെങ്കിലും അന്വേഷണത്തിൽ തൃപ്തിയില്ലെന്ന് ജിഷയുടെ പിതാവ് പാപ്പു. കൊല്ലിച്ചതാരാണെന്ന് കണ്ടേത്തണമെന്ന് പാപ്പു ആവശ്യപ്പെട്ടു. സി ബി ഐ അന്വേഷണം വേണമെന്നും പാപ്പു പറഞ്ഞു.

ജിഷയുടെ കൊലയാളിയെ അന്വേഷണ സംഘം പിടികൂടിയെങ്കിലും അന്വേഷണത്തിൽ തൃപ്തിയില്ലെന്ന് ജിഷയുടെ പിതാവ് പാപ്പു. കൊല്ലിച്ചതാരാണെന്ന് കണ്ടേത്തണമെന്ന് പാപ്പു ആവശ്യപ്പെട്ടു. സി ബി ഐ അന്വേഷണം വേണമെന്നും  പാപ്പു പറഞ്ഞു.

പാലക്കാട് നിന്നുമായിരുന്നു അസം സ്വദേശി അമീയുൽ ഇസ്ലാമിനെ എഡിജിപി ബി സന്ധ്യയുടെ നേതൃത്വത്തിലുള്ള അന്വേഷണ സംഘം പിടികൂടിയത്. പ്രതിയെ ഇന്ന് വൈകിട്ട് തെളിവെടുപ്പിനായി പെരുമ്പാവൂരിലേക്ക് കൊണ്ടുവരുമെന്നാണ് റിപ്പോർട്ടുകൾ.  

പ്രതിയായ അമീറുൽ ഇസ്ലാമിനെ ഇന്ന് കോടതിയിൽ ഹാജരാക്കും. ഉച്ചയ്ക്ക് ശേഷം പെരുമ്പാവൂർ ജുഡീഷ്യൽ മജിസ്‌ട്രേറ്റ് കോടതിയിലാണ് ഹാജരാക്കുന്നത്. കൂടുതൽ ചോദ്യം ചെയ്യലിനായി പൊലീസ് പ്രതിയെ കസ്റ്റ്ഡിയിൽ വിട്ടുനൽകാൻ ആവശ്യപ്പെടും.  തിരിച്ചറിയല്‍ പരേഡ് ആവശ്യമായതിനാല്‍ പ്രതിയെ മാധ്യമങ്ങളെ കാണിക്കില്ലെന്നാണ് റിപ്പോര്‍ട്ടുകള്‍.

ഒരു സമ്പൂര്‍ണ വായനാനുഭവത്തിന് മലയാളം വെബ്‌ദുനിയ ആപ്പ് ഇവിടെ ഡൌണ്‍‌ലോഡ് ചെയ്യാം