''പിണറായിയ്ക്ക് ചങ്കുറപ്പുണ്ടോ, നട്ടെല്ലുണ്ടോ? ഉണ്ടെങ്കിൽ നടുറോഡിൽ ആഭാസം കാണിച്ചവർക്കെതിരെ കേസെടുക്ക്'' - മുഖ്യമന്ത്രിയെ വെ‌ല്ലുവിളിച്ച് അനിൽ അക്കര

പിണറായിയെ വെ‌ല്ലുവിളിച്ച് അനിൽ അക്കര

കൊച്ചി മറൈന്‍ഡ്രൈവില്‍ ഇന്നലെ നടന്ന ചുംബനസമരത്തിനെതിരെ കോണ്‍ഗ്രസ് എം എല്‍ എ അനില്‍ അക്കര രംഗത്ത്. മുഖ്യമന്ത്രി പിണറായി വിജയന്‍ ഇവര്‍ക്കെതിരെ കേസെടുക്കണമെന്നാണ് അനില്‍ അക്കര ഫെയ്‌സ്ബുക്ക് പോസ്റ്റിലൂടെ ആവശ്യപ്പെട്ടിരിക്കുന്നത്. നട്ടെല്ലുണ്ടെങ്കിൽ നടുറോഡിൽ ആഭാസം കാ‌ട്ടിയ വൃത്തികെട്ടവന്മാർക്കെതിരെ കേസെടുക്കണമെന്നാണ് എം എൽ എയുടെ ആവശ്യം.

അനില്‍ അക്കരയുടെ ഫെയ്‌സ്ബുക്ക് പോസ്റ്റിന്റെ പൂര്‍ണരൂപം:

ഇത് ഏത് സ്വാതന്ത്ര്യമായാലും അനുവദിക്കാന്‍ പാടില്ല. നട്ടെല്ലുള്ള മുഖ്യമന്ത്രിയാണ് പിണറായിയെങ്കില്‍’ നടുറോഡില്‍ ആഭാസം കാട്ടിയ ഈ വൃത്തി കെട്ടവന്മാര്‍ക്കെതിരെ കേസെടുക്കണം. ചങ്കുണ്ടെങ്കില്‍ അതൊന്ന് കാണിക്കണം. ‘പിണറായി’...അല്ലെങ്കില്‍ ഇവര്‍ പിണറായിയുടെ ‘വാടകക്കാരെന്നു വിളിക്കേണ്ടിവരും ‘.