പൊങ്കാല വീടുകളില്‍ ഒതുങ്ങുന്നത് തുടര്‍ച്ചയായ രണ്ടാംവര്‍ഷമാണ്. ഇന്ന് പണ്ടാര അടുപ്പില്‍ തീ പകരുന്നത് രാവിലെ 10.50നാണ്. വിഗ്രഹത്തിന് മുന്നില്‍ നിന്നും പകരുന്ന അഗ്നി ചെറിയ തിടപ്പള്ളിയിലും വലിയ തിടപ്പള്ളിയിലുമുള്ള അടുപ്പുകളില്‍ പകര്‍ന്ന ശേഷം പണ്ടാര അടുപ്പില്‍ എത്തിക്കും. ഇതോടെയാണ് പൊങ്കാല ആരംഭിക്കുന്നത്.
ക്ഷേത്രത്തിന്റെ മേല്‍ശാന്തിയാണ് അടുപ്പില്‍ തീ പകരുന്നത്. ഇതേസമയത്ത് വീടുകളില്‍ പൊങ്കാല ഇടുന്നവരും അടുപ്പില്‍ തീ കത്തിക്കും. ഉച്ചയ്ക്ക് 1.20നാണ് പൊങ്കാല നിവേദ്യം. പൊങ്കാല നിവേദിക്കുന്നതിന് ഇത്തവണ ക്ഷേത്രത്തില്‍ നിന്ന് പൂജാരിമാരെ നിയോഗിക്കില്ല.