ബിജെപി 115 സീറ്റുകളില്‍ മത്സരിക്കും. ബിജെപി സംസ്ഥാന അധ്യക്ഷന്‍ കെ സുരേന്ദ്രനാണ് ഇക്കാര്യം അറിയിച്ചത്. അതേസമയം സ്ഥാനാര്‍ത്ഥികളെ ഇന്നറിയാന്‍ സാധിക്കും. സുരേന്ദ്രന്‍ മഞ്ചേശ്വരത്തായിരിക്കും മത്സരിക്കുന്നത്. സുരേഷ് ഗോപി തൃശൂരില്‍ മത്സരിക്കാനാണ് സാധ്യത. ശോഭാ സുരേന്ദ്രനോട് മത്സരിക്കാന്‍ കേന്ദ്രം ആവശ്യപ്പെട്ടിട്ടുണ്ട്. നേമത്ത് കുമ്മനം രാജശേഖരന്‍ മത്സരിക്കാന്‍ സാധ്യതയുണ്ട്.
അല്‍ഫോന്‍സ് കണ്ണന്താനം കാഞ്ഞിരപ്പള്ളിയില്‍ സ്ഥാനാര്‍ത്ഥിയാകും. എന്നാല്‍ എല്ലാ സീറ്റിലേക്കും ഇന്ന് സ്ഥാനാര്‍ത്ഥികളെ പ്രഖ്യാപിക്കില്ല. ചില മണ്ഡലങ്ങളില്‍ മറ്റു മുന്നണിയിലെ സ്ഥാനാര്‍ത്ഥികള്‍ ആരെന്നറിഞ്ഞ ശേഷമാകും സ്ഥാനാര്‍ത്ഥികളെ പ്രഖ്യാപിക്കുകയെന്ന് കെ സുരേന്ദ്രന്‍ പറഞ്ഞിരുന്നു.