വീണ്ടും ഇടഞ്ഞ് ഗവർണർ; സുപ്രീംകോടതിയുടെ പരിഗണനയിലിരിക്കുന്ന വിഷയം നിയമസഭയുടെ പരിധിക്കുള്ളില്‍ കൊണ്ടുവരുന്നത് ചട്ടലംഘനമെന്ന് ആരിഫ് മുഹമ്മദ് ഖാന്‍

സർക്കാരിനോട് ഇടഞ്ഞ് കേരള ഗവർണർ. നിയമസഭയില്‍ അവതരിപ്പിക്കേണ്ട സര്‍ക്കാരിന്റെ നയപ്രഖ്യാപന പ്രസംഗത്തില്‍ വിയോജിപ്പ് പ്രകടിപ്പിച്ച് ഗവര്‍ണര്‍ ആരിഫ് മുഹമ്മദ് ഖാന് രംഗത്ത്. പൌരത്വ നിമയ ഭേദഗതിയുമായി ബന്ധപ്പെട്ടുള്ള പരാമർശങ്ങളിലാണ് ഗവർണർക്ക് വിയോജിപ്പുള്ളത്. 

നയപ്രഖ്യാപനത്തിലെ സി എ എയുമായി ബന്ധപ്പെട്ട പരാമർശത്തിൽ ഗവർണർ സർക്കാരിനോട് വിശദീകരണം തേടി. സുപ്രീംകോടതിയുടെ പരിഗണനയിലിരിക്കുന്ന വിഷയം സഭയുടെ പരിധിക്കുള്ളില്‍ കൊണ്ടുവരുന്നത് ചട്ടലംഘനമാണെന്നാണ് ഗവര്‍ണര്‍ ചൂണ്ടിക്കാട്ടുന്നത്.

ഇത്തരം പരാമര്‍ശങ്ങള്‍ വരുന്ന ഭാഗം പ്രസംഗത്തില്‍ നിന്ന് മാറ്റണമെന്നാണ് ഗവർണറുടെ ആവശ്യം. കഴിഞ്ഞ ദിവസമാണ്‌ നയപ്രഖ്യാപന പ്രംഗത്തിന്റെ കോപ്പി സര്‍ക്കാര്‍ ഗവര്‍ണര്‍ക്ക് അയച്ചുകൊടുത്തത്.