ചവറയില്‍ യുഡിഎഫ് പ്രചരണത്തിന് ആവേശകരമായ തുടക്കം

ചവറയില്‍ ഐക്യജനാധിപത്യ മുന്നണി സ്ഥാനാര്‍ത്ഥി ഷിബു ബേബിജോണിന്റെ തെരഞ്ഞെടുപ്പ് പ്രചാരത്തിന് തുടക്കമായി. മുതിര്‍ന്ന ആര്‍എസ്പി നേതാവും ബേബിജോണിന്റെ സന്തത സഹചാരിയുമായിരുന്ന ചവറ വി.വാസുപിള്ളയെ സന്ദര്‍ശിച്ചതിനു ശേഷമായിരുന്നു പ്രചരണത്തിന് തുടക്കം കുറിച്ചത്. ആര്‍.എസ്.പി സംസ്ഥാന സെക്രട്ടറി എ.എ.അസ്സീസിന്റെ സാന്നിദ്ധ്യത്തില്‍ കെ.പി.സി.സി  സെക്രട്ടറി അഡ്വ:പി.ജര്‍മ്മിയാസ് സ്ഥാനാര്‍ത്ഥിയെ ഷാള്‍ അണിയിച്ചു. 

ചവറ പ്രൈവറ്റ് ബസ്റ്റാന്‍ഡ്, കൊറ്റന്‍കുളങ്ങര, നല്ലെഴുത്ത് മുക്ക് എന്നിവിടങ്ങളിലും തട്ടാശ്ശേരി കമ്പോളത്തിലുമായി വ്യാപരികള്‍, ഓട്ടോറിക്ഷാ തൊഴിലാളികള്‍, മത്സ്യ വ്യാപാരികള്‍ പൊതുജനങ്ങള്‍ എന്നിവരെ നേരിട്ട് കണ്ട് വോട്ട് അഭ്യര്‍ത്ഥിച്ചു.