രോഗബാധ കൂടുമെന്ന് മുന്നറിയിപ്പ്, ഓണം വീട്ടിലാക്കണമെന്ന് മു‌ഖ്യമന്ത്രി

ഓണക്കാലത്ത് ആൾക്കൂട്ടം ഒഴിവാക്കണമെന്ന് മുഖ്യമന്ത്രി പിണറായി വിജയൻ. ഇനിയും രോഗം ബാധിക്കാത്ത 50 ശതമാനം കേരളത്തിലുണ്ടെന്നും ഓണാഘോഷങ്ങൾ കുടുംബങ്ങളിൽ നടക്കട്ടെയെന്നും മുഖ്യമന്ത്രി പറഞ്ഞു. ഓണക്കാലവും നിയന്ത്രണങ്ങളിലെ ഇളവുകളും കണക്കിലെടുത്ത് കേരളത്തില്‍ വരും ദിവസങ്ങളില്‍ കോവിഡ് കേസുകള്‍ വന്‍തോതില്‍ കൂടുമെന്ന് കേന്ദ്രസംഘം മുന്നറിയിപ്പ് നൽകിയിരുന്നു.

ഓഗസ്റ്റ് 20 ആകുമ്പോഴേക്കും കേരളത്തിൽ 4.6 ലക്ഷം കൊവിഡ് രോഗികൾ ഉണ്ടാകുമെന്നും ഓണാഘോഷത്തിന്റെ ഇളവുകളും ടൂറിസം കേന്ദ്രങ്ങൾ തുറന്നതും തിരിച്ചടിയാകുമെന്നും കേന്ദ്രസംഘം വിലയിരുത്തി.പഞ്ചായത്ത് അടിസ്ഥാനമാക്കിയുള്ള നിയന്ത്രണങ്ങളില്‍ മാനദണ്ഡങ്ങൾ പാലിക്കുന്നതിലും ഹോം ഐസലേഷൻ നടപ്പാക്കുന്നതിലും കേരളത്തിന് വീഴ്ചയുണ്ടായത് രോഗവ്യാപനത്തിന് കാരണമായെന്നും കേന്ദ്ര സംഘം കുറ്റപ്പെടുത്തിയിരുന്നു.