കേരളം അടക്കം മൂന്ന് സംസ്ഥാനങ്ങളിൽ കൊവിഡ് കേസുകൾ കൂടുന്നുവെന്ന് കേന്ദ്രസർക്കാർ. പ്രതിരോധനടപടികളിൽ വീഴ്‌ച്ച പാടില്ലെന്നും പോരായ്‌മകൾ ഉടൻ തന്നെ പരിഹരിക്കണമെന്നും കേന്ദ്രം ആരോഗ്യമന്ത്രി ഹർഷ്‌വർധൻ പറഞ്ഞു.
സംസ്ഥാന ആരോഗ്യമന്ത്രിമാരുമായി നടത്തിയ ചർച്ചക്കിടെയാണ് കേന്ദ്ര ആരോഗ്യമന്ത്രി നിർദേശം നൽകിയത്. വാക്‌സിൻ വിതരണ നടപടികൾ അവസാന ഘട്ടത്തിലാണ്.മുൻഗണന പട്ടികപ്രകാരം തടസ്സങ്ങളില്ലാതെ എല്ലാവർക്കും വാക്‌സിൻ വിതരണം ചെയ്യും. മന്ത്രി പറഞ്ഞു.
അതേസമയം വാക്‌സിൻ വിതരണത്തിന്റെ മൂന്നാംഘട്ട ഡ്രൈറൺ നാളെ നടക്കും. കേരളത്തിലെ എല്ലാ ജില്ലകളിലും ഡ്രൈ റൺ നടക്കും. 46 കേന്ദ്രങ്ങളിലായാണ് ഡ്രൈ റൺ നടക്കുക.