കൊല്ലിനും കൊലയ്ക്കുമെതിരെ ഞാന്‍ ശബ്ദമുയര്‍ത്തും, പാര്‍ട്ടിക്ക് ഇഷ്ടമായില്ലെങ്കിലും പ്രശ്നമല്ല: സുരേഷ്‌ഗോപി

താന്‍ അക്രമരാഷ്ട്രീയത്തിനെതിരെയുള്ള ഉറച്ചശബ്ദമാകുമെന്ന്: സുരേഷ്‌ഗോപി

തന്റെ പാര്‍ട്ടിക്ക് ഇഷ്ടപ്പെട്ടില്ലെങ്കിലും കൊല്ലിനും കൊലയ്ക്കുമെതിരെ താന്‍ ശബ്ദം ഉയര്‍ത്തുമെന്ന് നടനും രാജ്യസഭാംഗവുമായ സുരേഷ്‌ഗോപി. താന്‍ അക്രമരാഷ്ട്രീയത്തിനെതിരെയുള്ള ഉറച്ചശബ്ദമാകുമെന്നും സുരേഷ്‌ഗോപി വ്യക്തമാക്കി. ധര്‍മടം അണ്ടലൂരില്‍ കൊല്ലപ്പെട്ട ബിജെപി പ്രവര്‍ത്തകന്‍ സന്തോഷിന്റെ വീട് സന്ദര്‍ശിച്ച ശേഷം മാധ്യമ പ്രവര്‍ത്തകരോട് സംസാരിക്കുകയായിരുന്നു.

ഭീകരത സൃഷ്ടിക്കുന്ന രാഷ്ട്രീയത്തെ ജനാധിപത്യ രീതിയില്‍ കൈകാര്യം ചെയ്യാന്‍ തയ്യാറാണെന്നും ഇതിനായി യുദ്ധസമാനമായ നീക്കം ദേശീയ തലത്തില്‍ ആരംഭിക്കുമെന്നും സുരേഷ്‌ഗോപി അഭിപ്രായപ്പെട്ടു. കൊലപാതക രാഷ്ട്രീയത്തിനെതിരെ ശക്തമായ നിലപാടെടുക്കണമെന്ന് സുരേഷ്‌ഗോപി പറഞ്ഞു.