ആയുര്‍വേദ കോളേജില്‍ ബിഎസ്‌സി നഴ്‌സിങ് കോഴ്‌സിലേക്ക് അപേക്ഷിക്കാം; അവസാന തിയതി സെപ്റ്റംബര്‍ 15

കണ്ണൂര്‍ പറശ്ശിനിക്കടവ് എം.വി.ആര്‍ ആയുര്‍വേദ മെഡിക്കല്‍ കോളജില്‍ 2023-24 വര്‍ഷം ബി.എസ്സി നഴ്സിംഗ് (ആയുര്‍വ്വേദം), ബി.ഫാം (ആയുര്‍വ്വേദം) കോഴ്‌സുകളിലേക്ക് അപേക്ഷിക്കേണ്ട അവസാന തീയതി സെപ്റ്റംബര്‍ 15 വരെ നീട്ടി. www.lbscentre.kerala.gov.in മുഖേനയാണ് അപേക്ഷിക്കേണ്ടത്. അപേക്ഷാ ഫീസ് പൊതുവിഭാഗത്തിന് 600 രൂപയും പട്ടികജാതി/പട്ടിക വിഭാഗത്തിന് 300 രൂപയുമാണ്.

അപേക്ഷകര്‍ക്ക് ഓണ്‍ലൈന്‍ ആയോ വെബ്സൈറ്റ് വഴി ഡൗണ്‍ലോഡ് ചെയ്ത് ചെല്ലാന്‍ ഉപയോഗിച്ച് ഫെഡറല്‍ ബാങ്കിന്റെ ഏതെങ്കിലും ശാഖ വഴിയോ ഫീസ് അടയ്ക്കാം. ഫോണ്‍: 0471- 2560363,364.