പന്തീരാങ്കാവ് ഗാര്‍ഹിക പീഡനക്കേസിലെ പരാതിക്കാരിയായ യുവതി കസ്റ്റഡിയില്‍

പന്തീരാങ്കാവ് ഗാര്‍ഹിക പീഡനക്കേസിലെ പരാതിക്കാരിയായ യുവതി കസ്റ്റഡിയില്‍. മകളെ കാണാനില്ലെന്ന് ചൂണ്ടിക്കാട്ടി പിതാവ് നല്‍കിയ പരാതിയിലാണ് പൊലീസ് യുവതിയെ കസ്റ്റഡിയിലെടുത്തത്. നെടുമ്പാശ്ശേരി വിമാനത്താവളത്തില്‍ നിന്നാണ് യുവതിയെ പൊലീസ് കസ്റ്റഡിയിലെടുത്തത്. ഇന്ന് മജിസ്ട്രേറ്റിന് മുന്നില്‍ ഹാജരാക്കും.

തന്നെ പീഡിപ്പിച്ചിട്ടില്ലെന്ന് യുവതി മാറ്റിപ്പറഞ്ഞിരുന്നു. പലസ്ഥലത്തുനിന്നുമുള്ള മൂന്നുവീഡിയോകളിലൂടെയാണ് യുവതി ഇക്കാര്യം പറഞ്ഞത്. പറവൂര്‍ സ്വദേശിയാണ് യുവതി. പന്തീരാങ്കാവിലെ ഭര്‍തൃവീട്ടില്‍ ക്രൂരമായ ഗാര്‍ഹിക പീഡനത്തിന് ഇരയായതായി നേരത്തേ ഇവര്‍ പരാതി നല്‍കിയിരുന്നു.