എറണാകുളത്ത് നിയന്ത്രണങ്ങൾ കർശനമാക്കുന്നു, മാനദണ്ഡങ്ങൾ ലംഘിക്കുന്ന മാളുകൾക്കെതിരെ നടപടി

സംസ്ഥാനത്ത് കൊവിഡ് വ്യാപനം രൂക്ഷമാകുന്ന സാഹചര്യത്തിൽ എറണാകുളം ജില്ലയിൽ കൊവിഡ് നിയന്ത്രണങ്ങൾ കർശനമാക്കുന്നു. മാളുകൾ അടക്കമുള്ളവ നിയന്ത്രണങ്ങൾ ലംഘിക്കുകയാണെങ്കിൽ പോലീസ് നടപടിയുണ്ടാകുമെന്ന് ജില്ലാ കളക്‌ടർ അറിയിച്ചു.

കഴിഞ്ഞ ദിവസങ്ങളിലായി ദിവസവും ആയിരത്തിലധികം കേസുകളാണ് ജില്ലയിൽ റിപ്പോർട്ട് ചെയ്യുന്നത്. ഈ പശ്ചാത്തലത്തിലാണ് പോലീസ് നിയന്ത്രണങ്ങൾ കടുപ്പിക്കുന്നത്. അതേസമയം പരിശോധനകളുടെ എണ്ണം 12,000 ആയി നടത്താൻ തീരുമാനമായി. പ്രതിദിനം 35,000 പേർക്ക് വാക്‌സിനേഷൻ നൽകാനാണ് തീരുമാനം. വാക്‌സിന്റെ ലഭ്യതകുറവ് മറ്റ് ജില്ലകളുമായി സഹകരിച്ചാണ് പരിഹരിക്കുന്നത്.