കടം വാങ്ങിയ പണം തിരികെ നൽകിയില്ല, ചോദിച്ചപ്പോൾ ഭീഷണിയും ; ഒടുവിൽ സഹോദരി സഹോദരനോട് ചെയ്തത്

സഹികെട്ട് അഞ്‍ജു കറിക്കത്തികൊണ്ട് സഹോദരനെ കുത്തിവീഴ്ത്തി

സഹോദരിയുടെ കുത്തേറ്റ് സഹോദരൻ മരിച്ചു. സംഭവത്തിൽ സഹോദരിയെ അറസ്റ് ചെയ്തു. കായംകുളം പുള്ളിക്കണക്ക് പാക്ക് കണ്ടത്തിൽ മോഹനന്റെ മകൻ അജീഷ് (28) ആണ് കുത്തേറ്റ് മരിച്ചത്. സംഭവത്തിൽ അജീഷിന്റെ സഹോദരി അഞ്‍ജു(24)നെ പോലീസ് അറസ്റ് ചെയ്തു. കഴിഞ്ഞ ദിവസം എട്ടരയോടെ ആയിരുന്നു സംഭവം.

അജീഷുമായി അടുപ്പമുള്ള യുവതിയുടെ വീടുപണിക്കായി അഞ്‍ജു കുറച്ച് പണം കടമായി നൽകിയിരുന്നു. ഏകദേശം ഒന്നരലക്ഷം വരുമെന്നാണ് റിപ്പോർട്ടുകൾ. അഞ്‍ജുവിന്റെ ഭർത്താവ് വിധേശത്താണ് ജോലി ചെയ്യുന്നത്. നാട്ടിലെത്തിയ പ്രശാന്ത് പണത്തെ ചൊല്ലി അഞ്‍ജുവുമായി വഴക്കുണ്ടായി. പണം തിരിച്ചു തരണമെന്ന് ആവശ്യപ്പെട്ട് അഞ്‍ജുവും അജീഷിനെ ചെന്ന് കണ്ടു, എന്നാൽ സംഭവത്തിൽ പ്രകോപിതനായ അജീഷ് കഴിഞ്ഞ ദിവസം ഇവരുടെ വീട്ടിൽ എത്തി ഭീഷണി മുഴക്കുകയായിരുന്നു. 

പ്രശാന്തിനെ അടിക്കാൻ ശ്രമിക്കുന്നതിനിടെ അഞ്‍ജു ഇടയിൽ കയറുകയും കയ്യിൽ ഇരുന്ന കരിക്കാത്തതുകൊണ്ട് അജീഷിനെ വെട്ടുകയുമായിരുന്നു. മുറിവ് ആഴത്തിൽ ആയതിനാൽ അജീഷിനെ ആശുപത്രിയിൽ എത്തിച്ചെങ്കിലും രക്ഷപെടുത്താൻ സാധിച്ചില്ലെന്ന് പോലീസ് പറയുന്നു.