ബാണാസുര ഡാമില്‍ കാണാതായ വിദ്യാര്‍ത്ഥിയുടെ മൃതദേഹം കണ്ടെത്തി

ബാണാസുര ഡാമില്‍ കാണാതായ വിദ്യാര്‍ത്ഥിയുടെ മൃതദേഹം കണ്ടെത്തി. പിണങ്ങോട് ഹയര്‍ സെക്കന്ററി സ്‌കൂളിലെ പ്ലസ്ടു വിദ്യാര്‍ത്ഥിയായ ഡെനിന്‍ ജോസ് പോളിന്റെ മൃതദേഹമാണ് ലഭിച്ചത്. ഇന്നലെ വൈകുന്നേരം കൂട്ടുകാരോടൊപ്പം കളിക്കുന്നതിനിടെ ഡാമിന്റെ വെള്ളച്ചാലിലേക്ക് വീഴുകയായിരുന്നു ഡെനിന്‍. നാട്ടുകാരും ഫയര്‍ ഫോഴ്‌സും നടത്തിയ തിരച്ചിലിനൊടുവിലാണ് മൃതദേഹം ലഭിച്ചത്. തരിയോട് പത്താംമൈല്‍ സ്വദേശികളായ പൈലി-സുമ ദമ്പതികളുടെ മകനാണ് ഡെനിന്‍.