നിരത്തുകളില്‍ നിറയെ പൊലീസ്; കേരളത്തില്‍ ലോക്ഡൗണിനു തുല്യമായ നിയന്ത്രണങ്ങള്‍

കോവിഡ് വ്യാപനത്തിന്റെ പശ്ചാത്തലത്തില്‍ സംസ്ഥാനത്ത് ശനി, ഞായര്‍ ദിവസങ്ങളില്‍ കടുത്ത നിയന്ത്രണങ്ങള്‍. ഇന്നും നാളെയും ലോക്ഡൗണിന് തുല്യമായ നിയന്ത്രണങ്ങളായിരിക്കുമെന്ന് മുഖ്യമന്ത്രി പിണറായി വിജയന്‍ ഇന്നലെ മുന്നറിയിപ്പ് നല്‍കിയിരുന്നു. പ്രധാന നിരത്തുകളിലെല്ലാം പൊലീസ് വിന്യസിച്ചു. സ്വകാര്യ വാഹനങ്ങള്‍ തടഞ്ഞുനിര്‍ത്തി യാത്രയുടെ കാരണം ചോദിച്ചറിയുന്നു. അത്യാവശ്യ കാര്യങ്ങള്‍ക്കല്ലാതെ പുറത്തിറങ്ങിയവര്‍ക്കെതിരെ നടപടി സ്വീകരിക്കുന്നുണ്ട്.