കേരളത്തിന്റെ പുതിയ ഡിജിപി അനില്‍കാന്ത്? സന്ധ്യ പുറത്തെന്ന് റിപ്പോര്‍ട്ടുകള്‍; ഔദ്യോഗിക പ്രഖ്യാപനം ഉടന്‍

സംസ്ഥാനത്തിന്റെ പുതിയ പൊലീസ് മേധാവിയെ ഇന്ന് അറിയാം. ഇന്ന് മുഖ്യമന്ത്രി പിണറായി വിജയന്റെ അധ്യക്ഷതയില്‍ ചേരുന്ന മന്ത്രിസഭായോഗത്തില്‍ പുതിയ ഡി.ജി.പി.യെ തീരുമാനിക്കും. ഔദ്യോഗിക പ്രഖ്യാപനവും ഇന്നുണ്ടാകും. ഇന്ന് വൈകിട്ട് നിലവിലെ ഡി.ജി.പി. ലോക്‌നാഥ് ബെഹ്‌റ വിരമിക്കും. 

അനില്‍കാന്ത് ഐപിഎസിനാണ് കൂടുതല്‍ സാധ്യത. നേരത്തെ ബി.സന്ധ്യുടെ പേരും ഉയര്‍ന്നുകേട്ടിരുന്നു. അനില്‍കാന്തിന് മുഖ്യമന്ത്രിയുടെ ഓഫീസുമായി അടുത്ത ബന്ധമുണ്ട്. ഇക്കാരണത്താലാണ് അനില്‍കാന്തിന് കൂടുതല്‍ പരിഗണന. സുദേഷ് കുമാര്‍, ബി.സന്ധ്യ, അനില്‍കാന്ത് എന്നിവരാണ് പുതിയ ഡി.ജി.പി.യെ തിരഞ്ഞെടുക്കാനുള്ള അന്തിമ പട്ടികയില്‍ ഇടംപിടിച്ചിരിക്കുന്നത്. 

ഉന്നത പൊലീസ് ഉദ്യോഗസ്ഥരുടെ പിന്തുണ കൂടുതലും അനില്‍കാന്തിനാണ്. ഇക്കാര്യം മുഖ്യമന്ത്രിയെ ധരിപ്പിച്ചിട്ടുമുണ്ട്. കഴിഞ്ഞ സര്‍ക്കാരില്‍ പ്രധാനപദവികള്‍ വഹിച്ചതും നിലവിലെ പൊലീസ് സംവിധാനത്തിനൊപ്പം ചേര്‍ന്ന് പോകുന്നതുമാണ് യോഗ്യതയായി ഉയര്‍ത്തുന്നത്.