കൊച്ചി ബാറിലുണ്ടായ വെടിവെപ്പില്‍ രണ്ടുപേര്‍ പിടിയില്‍

കൊച്ചി ബാറിലുണ്ടായ വെടിവെപ്പില്‍ രണ്ടുപേര്‍ പിടിയില്‍. ഏഴുപുന്ന സ്വദേശി റോജന്‍, അഭിഭാഷകനായ ഹൊറാള്‍ഡ് എന്നിവരാണ് പിടിയിലായത്. മരട് പോലീസ് ആണ് ഇവരെ കസ്റ്റഡിയില്‍ എടുത്തത്. കൊച്ചിയിലെ കുണ്ടന്നൂര്‍ ബാറിലാണ് വെടിവെപ്പ് ഉണ്ടായത്. ബുധനാഴ്ച വൈകുന്നേരം 3 മണിയോടെ ആയിരുന്നു സംഭവം.

മദ്യപിച്ച് ബില്ല് കൊടുത്ത ശേഷം യാതൊരു പ്രകോപനവും ഇല്ലാതെ ഒരാള്‍ ചുമരിലേക്ക് വെടിയുതിര്‍ക്കുകയായിരുന്നു. പിന്നാലെ പ്രതികള്‍ ഓട്ടോയില്‍ കയറി പോയി. സംഭവത്തെ തുടര്‍ന്ന് ബാര്‍ പോലീസ് അടച്ചുപൂട്ടി.