മയക്കുമരുന്ന് നൽകി യുവാവിന്റെ നഗ്നദൃശ്യങ്ങൾ പകർത്തി, ബ്ലാക്മെയിംലിംഗുമായി കൂടെ പോസ് ചെയ്ത യുവതി; 5 പേർ പിടിയിൽ

നഗ്നദൃശ്യങ്ങൾ കാണിച്ച് ബ്ലാക്ക്മെയിലിംഗ്, കൂടെ പോസ് ചെയ്ത യുവതി അറസ്റ്റില്‍

മയക്കുമരുന്നു നല്‍കി നഗ്നദൃശ്യങ്ങള്‍ പകര്‍ത്തി പണം തട്ടിയെടുക്കാന്‍ ശ്രമിച്ച കേസില്‍ അടിമാലി സ്വദേശി ബിബിന എന്ന 26 കാരിയെ പൊലീസ് അറസ്റ്റ് ചെയ്തു. കണ്ണൂര്‍ സ്വദേശിയായ സ്വകാര്യ കമ്പനി മാനേജര്‍ അജിത്തിനെ നഗ്നനാക്കി കിടത്തി ഫോട്ടോയെടുത്തപ്പോള്‍ കൂടെ പോസ് ചെയ്ത യുവതിയാണ് ബിബിന.

കേസിലെ പ്രധാന പ്രതികളായ മട്ടാഞ്ചേരി കരുവേലിപ്പടി ഷിബിലി (37), തോപ്പും‍പടി സ്വദേശി ഡാനി (31), ഉദയം‍പേരൂര്‍ സ്വദേശി ശരത് (22), തൃശൂര്‍ ചെറവില്‍ പീടികയില്‍ മുസ്തഫ (27) എന്നിവരെ കഴിഞ്ഞ ദിവസം പൊലീസ് അറസ്റ്റ് ചെയ്തിരുന്നു. 

ഏറെ വിവാദമായിരുന്ന തോപ്പും‍പടി പെണ്‍വാണിഭ കേസിലെ പ്രതി ഷിബിലിയുടെ കലൂരിലെ സ്ഥാപനത്തിലെ റിസപ്ഷനിസ്റ്റായിരുന്നു ഇപ്പോള്‍ പിടിയിലായ ബിബിന. എന്നാല്‍ തന്നെ ഷിബിലി ഭീഷണിപ്പെടുത്തി വൈറ്റിലയിലെ ഫ്ലാറ്റിലെത്തിച്ച് അജിതിനൊപ്പം ഫോട്ടോയ്ക്ക് പോസ് ചെയ്യിക്കുകയായിരുന്നു എന്നാണ് ബിബിന പറയുന്നത്. 

ഒളിവിലായിരുന്ന ബിബിനയെ മൊബൈല്‍ ടവര്‍ ലൊക്കേഷന്‍ അനുസരിച്ച് കൊല്ലത്തു നിന്നാണു പൊലീസ് വലയിലാക്കിയത്. അജിത്തിനൊപ്പം ബിബിന പോസ് ചെയ്ത നിരവധി ഫോട്ടോകളും വീഡിയോകളും പൊലീസ് കണ്ടെടുത്തു.