കൊച്ചിയില്‍ വന്‍ സ്വര്‍ണ്ണവേട്ട; അഞ്ചു കിലോ സ്വര്‍ണം പിടികൂടി

കൊച്ചി കച്ചേരിപ്പടിയില്‍ നടന്ന സ്വര്‍ണവേട്ടയില്‍ അഞ്ചു കിലോ സ്വര്‍ണം പിടികൂടി. കച്ചേരിപ്പടിയിലെ ഫ്ലാറ്റില്‍ നിന്നാണ് സ്വര്‍ണം പിടികൂടിയത്. സംഭവവുമായി ബന്ധപ്പെട്ട് ഉത്തരേന്ത്യക്കാരായ രണ്ടുപേരെ കസ്റ്റഡിയില്‍ എടുത്തു.

നികുതി വെട്ടിച്ച് ജ്വല്ലറികളില്‍ വിതരണം ചെയ്യാനായി മുംബൈയില്‍ നിന്ന് എത്തിച്ചതായിരുന്നു സ്വര്‍ണം. തിങ്കളാഴ്ച രാവിലെയാണ് കച്ചേരിപ്പടിയിലുള്ള പ്രമുഖ ഫ്ലാറ്റിന്റെ ഏഴാം നിലയില്‍ നിന്നാണ് സ്വര്‍ണം പിടികൂടിയത്. സിറ്റി പൊലീസ് കമ്മീഷണര്‍ക്ക് ലഭിച്ച രഹസ്യവിവരത്തിന്റെ അടിസ്ഥാനത്തിലായിരുന്നു ഷാഡോ പൊലീസും ആദായനികുതി വകുപ്പ് ഉദ്യോഗസ്ഥരും ചേര്‍ന്നാണ് സ്വര്‍ണം പിടികൂടിയത്.