കോതമംഗലത്ത് ഭാര്യയെ മര്‍ദ്ദിച്ച് കൊലപ്പെടുത്തിയ കേസില്‍ ഭര്‍ത്താവ് അറസ്റ്റില്‍

കോതമംഗലം കുട്ടമ്പുഴയില്‍ ഭര്‍ത്താവ് ഭാര്യയെ തലയ്ക്കടിച്ചു കൊന്നു. ഇളമ്പശ്ശേരി സ്വദേശിനിയായ മായയാണ് മരിച്ചത്. ഭര്‍ത്താവ് ജിജോ ജോണിനെ പോലീസ് അറസ്റ്റ് ചെയ്തു. ബുധനാഴ്ച പുലര്‍ച്ചെ ആശാ പ്രവര്‍ത്തകര്‍ വീട്ടിലെത്തിയപ്പോഴാണ് മായയെ  മരിച്ച നിലയില്‍ കണ്ടെത്തിയത്. ഇന്നലെ രാത്രി ഇരുവരും തമ്മില്‍ വാക്കുതര്‍ക്കമുണ്ടായി, ഇതാണ് കൊലപാതകത്തിലേക്ക് നയിച്ചതെന്ന് കരുതപ്പെടുന്നു. 

മായയുടെ തലയിലും മുഖത്തും ഗുരുതരമായി പരിക്കേറ്റു. ഭാര്യയെ സംശയാസ്പദമായ രീതിയില്‍ കണ്ടതിനെ തുടര്‍ന്ന് തര്‍ക്കമുണ്ടായതായി ജിജോ പോലീസിനോട് പറഞ്ഞു. ദമ്പതികള്‍ക്ക് ഒരു കുട്ടിയുണ്ട്. കുട്ടി വീട്ടിലില്ലാത്ത സമയത്താണ് സംഭവം. മായ ഒരു ആദിവാസി സമുദായത്തില്‍ പെട്ടയാളാണ്. ഇരുവരുടെയും പ്രണയ വിവാഹമായിരുന്നു.