ആചാര ലംഘനം: ശബരിമല മേല്‍ശാന്തിക്കെതിരെ നടപടി

ശബരിമലയിലെ ആചാരം ലംഘിച്ചതിന് മേല്‍ശാന്തിക്കെതിരെ ദേവസ്വം ബോര്‍ഡ് നടപടിയെടുത്തു. ഈ കാര്യത്തില്‍ എക്സിക്യൂട്ടീവ് ഓഫീസര്‍ മോഹന്‍ദാസിനെ സ്ഥലം മാറ്റുകയും ചെയ്തു. കോട്ടയത്ത് ചേര്‍ന്ന ദേവസ്വം ബോര്‍ഡ് യോഗത്തിലാണ് ഈ തീരുമാനം ഉടലെടുത്തത്.

തുടര്‍ന്ന് ആചാരം ലംഘിച്ചതിന് പരിഹാരക്രിയ ചെയ്യണമെന്നും. ഇതിന്റെ ചെലവ് മേല്‍ശാന്തി വഹിക്കണമെന്നും യോഗം വിലയിരുത്തി.

ആചാര ലംഘനം മേല്‍ശാന്തിയുടെ അറിവോടെയാണ് നടന്നതെന്ന് ദേവസ്വം ബോര്‍ഡിന് വ്യക്തമായി. കാലാവധിക്ക് ശേഷം ശബരിമലയുടെ പ്രവൃത്തികളില്‍ മേല്‍ശാന്തിയെ ഉള്‍പ്പെടുത്താതിരിക്കാനും യോഗത്തില്‍ ധാരണയായി.