കോട്ടയത്ത് നിരവധി ക്രിമിനല്‍ കേസുകളില്‍ പ്രതിയായ യുവതിയെ കാപ്പ ചുമത്തി നാടുകടത്തി; നാടുകടത്തിയത് അഞ്ജന ആര്‍ പണിക്കരെ

anjana

കോട്ടയത്ത് നിരവധി ക്രിമിനല്‍ കേസുകളില്‍ പ്രതിയായ യുവതിയെ കാപ്പ ചുമത്തി നാടുകടത്തി. മണിയന്‍കുന്നേല്‍ വീട്ടില്‍ അഞ്ജന ആര്‍ പണിക്കര്‍ എന്ന 36കാരിയെയാണ് നാടുകടത്തിയത്. ഒന്‍പത് മാസത്തേക്കാണ് ജില്ലയില്‍ നിന്നും നാടുകടത്തിയത്. ജില്ലാ പൊലീസ് മേധാവി കെ. കാര്‍ത്തിക്കിന്റെ റിപ്പോര്‍ട്ടിന്റെ അടിസ്ഥാനത്തിലാണ് നടപടി.

യുവതിക്കെതിരെ നിരവധി ജില്ലകളില്‍ കേസ് രജിസ്റ്റര്‍ ചെയ്തിട്ടുണ്ട്. തലയോലപ്പറമ്പ്, ഏറ്റുമാനൂര്‍, പെരുമ്പാവൂര്‍, മൂവാറ്റുപുഴ, കോടനാട്, എടത്വ,  കീഴ്‌വായ്പൂര്‍, കരിങ്കുന്നം, പയ്യന്നൂര്‍ എന്നീ സ്റ്റേഷനുകളിലാണ് കേസുകള്‍ രജിസ്റ്റര്‍ ചെയ്തിട്ടുള്ളത്. ജോലി തട്ടിപ്പുള്‍പ്പെടെയുള്ള ക്രിമിനല്‍ കേസുകളാണ് ഇവര്‍ക്കെതിരെ ഉള്ളത്.