കോണ്‍ഗ്രസില്‍ നിന്നും രാജിവെച്ച കെപിസിസി മുന്‍ ജനറല്‍ സെക്രട്ടറി കെ പി അനില്‍കുമാറിനെ ചുവന്ന ഷാള്‍ അണിയിച്ച് സിപിഎം സ്വീകരിച്ചു

കോണ്‍ഗ്രസില്‍ നിന്നും രാജിവെച്ച കെപിസിസി മുന്‍ ജനറല്‍ സെക്രട്ടറി കെ പി അനില്‍കുമാറിനെ ചുവന്ന ഷാള്‍ അണിയിച്ച് സിപിഎം സ്വീകരിച്ചു. എകെജി സെന്ററിലെത്തിയ അനില്‍കുമാറിനെ കോടിയേരി ബാലകൃഷ്ണനാണ് സ്വീകരിച്ചത്. അടുത്തിടെ കോണ്‍ഗ്രസില്‍ നിന്ന് രാജിവെച്ച പി എസ് പ്രശാന്തിനൊപ്പമാണ് അനില്‍കുമാര്‍ എ കെ ജി സെന്ററിലെത്തിയത്. സിപിഐ എമ്മുമായി സഹകരിക്കാന്‍ തയ്യാറാണെന്ന കെ പി അനില്‍കുമാറിന്റെ പ്രഖ്യാപനത്തെ സ്വാഗതം ചെയ്യുന്നുവെന്ന് കോടിയേരി പറഞ്ഞു. എ കെ ജി സെന്ററില്‍ നടന്ന കൂടിക്കാഴ്ചയില്‍ സഖാക്കള്‍ എസ്ആര്‍പിയും എംഎ ബേബിയും ആനത്തലവട്ടം ആനന്ദന്‍ എന്നിവരും പങ്കെടുത്തു.

ഡിസിസി അധ്യക്ഷന്മാരെ പ്രഖ്യാപിച്ചതിനു പിന്നാലെയാണ് അനില്‍കുമാര്‍ കോണ്‍ഗ്രസ് നേതൃത്വത്തിനെതിരെ വിമര്‍ശനവുമായി രംഗത്തുവന്നത്. പുറത്തുവന്ന പട്ടികയിലെ 14പേരും ഗ്രൂപ്പുകാരാണെന്നായിരുന്നു അനില്‍കുമാര്‍ പറഞ്ഞത്.