ബസിടിച്ച് രണ്ട് യുവാക്കള് മരിച്ച സംഭവത്തില് കെഎസ്ആര്ടിസി ഡ്രൈവറെ പിരിച്ചുവിട്ടു. കുഴല്മന്ദത്ത് കെഎസ്ആര്ടിസി ബസിടിച്ചുണ്ടായ അപകടത്തിലാണ് നടപടി. വടക്കാഞ്ചേരി ഡിപ്പോയിലെ ഡ്രൈവര് ഔസേപ്പിനെയാണ് പിരിച്ചുവിട്ടത്. 2020 ഫെബ്രുവരി 7നാണ് അപകടത്തില് യുവാക്കള് മരിച്ചത്. അപകടം ആണെന്ന് കരുതിയ സംഭവം ഡ്രൈവറുടെ അനാസ്ഥയാണെന്ന് പിന്നീട് കണ്ടെത്തുകയായിരുന്നു. കാറിലെ ക്യാമറയിലാണ് അപകട ദൃശ്യങ്ങള് പതിഞ്ഞത്.