ലോക്‌സഭാ തിരഞ്ഞെടുപ്പ്: തൃശൂരില്‍ ഡ്രൈ ഡേ പ്രഖ്യാപിച്ചു, ഈ ദിവസങ്ങളില്‍ ഒരു തുള്ളി മദ്യം കിട്ടില്ല !

ലോക്‌സഭ മണ്ഡലങ്ങളിലേക്കുള്ള വോട്ടെടുപ്പും വോട്ടെണ്ണലും സമാധാനപരമായി നടത്തുന്നതിനായി തൃശ്ശൂര്‍ ജില്ലയില്‍ ഏപ്രില്‍ 24 വെകീട്ട് 6 മണി മുതല്‍ വോട്ടെടുപ്പ് തിയതിയായ ഏപ്രില്‍ 26 വരെ വോട്ടെടുപ്പിനോടനുബന്ധിച്ച ജോലികള്‍ കഴിയുന്നതുവരെയും, (റീ പോള്‍ ആവശ്യമായി വന്നാല്‍ ആ തിയ്യതിയില്‍ വോട്ടെടുപ്പ് അവസാനിക്കുന്നതിന് നിശ്ചയിച്ചിരിക്കുന്ന 06 മണിക്ക് 48 മണിക്കൂര്‍ മുന്‍പും), വോട്ടെണ്ണല്‍ ദിനമായ ജൂണ്‍ 04 നും ലഹരിവിരുദ്ധ ദിനങ്ങളായി (ഡ്രൈ ഡേ) പ്രഖ്യാപിച്ച് ജില്ലാ കളക്ടര്‍ ഉത്തരവിട്ടു. 

ലഹരി വിരുദ്ധ ദിനങ്ങളായി പ്രഖ്യാപിച്ച തിയതികളിലും സമയത്തും ജില്ലയില്‍, സര്‍ക്കാര്‍/സ്വകാര്യ സ്ഥാപനങ്ങളിലോ, സ്ഥലത്തോ യാതൊരുവിധ ലഹരി പദാര്‍ത്ഥങ്ങളും വില്‍ക്കുവാനോ വിതരണം ചെയ്യുവാനോ സംഭരിക്കുവാനോ പാടില്ല. മദ്യ ഷാപ്പുകള്‍, ഹോട്ടലുകള്‍, റസ്റ്റൊറന്റുകള്‍, ക്ലബുകള്‍, അനുബന്ധമായി പ്രവര്‍ത്തിക്കുന്ന മറ്റ് സ്ഥാപനങ്ങള്‍ എന്നിവ ഡ്രൈ ഡേ ആയി പ്രഖ്യാപിച്ച ദിനങ്ങളില്‍ പ്രവര്‍ത്തിക്കുവാന്‍ പാടില്ലാത്തതാണെന്നും ഉത്തരവിലുണ്ട്.