'ഒരു കഥ സൊല്ലട്ടുമാ' - വിജയ് സേതുപതിയോട് മഞ്ജു വാര്യർ

മോഹൻലാൽ ആരാധകനാണ്, മമ്മൂട്ടിയുടെ രാജാധിരാജ ഇഷ്ടമാണ്: വിജയ് സേതുപതി

താരസമ്പന്നമായിരുന്നു പത്തൊൻപതാമത് ഏഷ്യാവിഷൻ ഫിലിം അവാർഡ്. ബോളിവുഡ് താരങ്ങളായ ദീപിക പദുക്കോൺ, അതിദി റാവു, കുനാൽ കപൂ‍ർ, സഞ്ജയ് ദത്ത് തുടങ്ങി പ്രമുഖർ അവാർഡ് ചടങ്ങളിൽ എത്തിയിരുന്നു. 

മലയാളത്തിൽ നിന്നും എം.ടി വാസുദേവൻ നായർ, ദുൽഖർ സൽമാൻ, അപ്പാനി ശരത്, വിനീത് ശ്രീനിവാസൻ, മഞ്ജു വാരിയർ, മംമ്ത മോഹൻദാസ് തുടങ്ങിയവരും തമിഴിൽ നിന്നും വിജയ് സേതുപതിയും ചടങ്ങിൽ പങ്കെടുത്തിരുന്നു. 

സേതുപതിക്ക് അവാർഡ് നൽകാനായി വേദിയിൽ വിളിച്ചപ്പോൾ മഞ്ജു വാരിയറും ഒപ്പമുണ്ടായിരുന്നു. 

‘വിജയ്, ഒരു കഥ സൊല്ലട്ടുമാ’ എന്ന ഡയലോഗ് പറഞ്ഞാണ് മഞ്ജു വാരിയർ സംസാരിച്ച് തുടങ്ങിയത്. താനും വിജയുടെ കടുത്ത ആരാധികയാണെന്ന് മഞ്ജു പറഞ്ഞു. 

മഞ്ജു വാരിയറുടെ കടുത്ത ആരാധകനാണെന്നും ആദ്യമായാണ് നേരിൽ കാണുന്നതെന്നും വിജയ് പറഞ്ഞു. എന്നെങ്കിലും ഒരിക്കൽ നേരിൽ കാണണമെന്ന് വിചാരിച്ചിരുന്നു. ഇപ്പോൾ സാധ്യമായി. മോഹൻലാൽ ആണ് ഇഷ്ട നടൻ. തന്മാത്രയിലെ അദ്ദേഹത്തിന്റെ അഭിനയംകണ്ട് തകർന്ന് പോയി. 

രാജമാണിക്യത്തിലെ മമ്മൂട്ടിയുടെ അഭിനയവും പകരംവെയ്ക്കാൻ കഴിയാത്തതാണെന്നും ഫഹദും ദുൽക്കറും മാന്യന്മാരാണെന്നും വിജയ് പറഞ്ഞു.