കണ്ണൂരിൽ എസ് ഡി പി ഐ പ്രവർത്തകൻ വെട്ടേറ്റു മരിച്ചു

കണ്ണൂർ സിറ്റിയിൽ എസ്ഡിപിഐ പ്രവർത്തകൻ കുത്തേറ്റ് മരിച്ചു.

കണ്ണൂർ സിറ്റിയിൽ എസ്ഡിപിഐ പ്രവർത്തകൻ കുത്തേറ്റ് മരിച്ചു. എസ് ഡി പി ഐ നീര്‍ച്ചാല്‍ ബ്രാഞ്ച് പ്രസിഡന്റും പാചകത്തൊഴിലാളിയുമായ എം ഫാറൂഖാണ് കൊല്ലപ്പെട്ടത്. ഇന്ന് രാവിലെ 11 മണിയോടെയാണ് സംഭവം നടന്നത്. കുത്തേറ്റതിനെത്തുടര്‍ന്ന് മാരകമായി പരുക്കേറ്റ ഫറൂഖിനെ കണ്ണൂര്‍ എകെജി ആശുപത്രിയില്‍ പ്രവേശിപ്പിച്ചെങ്കിലും ജീവന്‍ രക്ഷിക്കാനായില്ല.

കണ്ണൂർ ജില്ലയിൽ സിപിഎം – ബിജെപി സംഘർഷം തുടരുന്നതിനിടെയാണ് പുതിയ സംഭവം. കൊലപാതകവുമായി ബന്ധപ്പെട്ടു നീര്‍ച്ചാല്‍ സ്വദേശിയും നിരവധി ക്രിമിനല്‍ കേസുകളില്‍ പ്രതിയുമായ അബ്ദുൽ റൌഫ് എന്ന കട്ട റൌഫിനെ പൊലീസ് കസ്റ്റഡിയിലെടുത്തു. ഇയാൾ മുസ്ലിംലീഗ് പ്രവർത്തകനാണ്. വ്യക്തിവൈരാഗ്യമാണ് കൊലപാതകത്തിന് പിന്നിലെന്ന് പൊലീസ് അറിയിച്ചു.