ഒഡീഷ ട്രെയിന്‍ ദുരന്തം: അഞ്ചുട്രെയിനുകള്‍ വഴി തിരിച്ചുവിട്ടു

ഒഡീഷ ട്രെയിന്‍ ദുരന്തത്തെ തുടര്‍ന്ന് അഞ്ചുട്രെയിനുകള്‍ വഴി തിരിച്ചുവിട്ടു. കേരളത്തില്‍ നിന്ന് ഇന്ന് പുറപ്പെടേണ്ട തിരുവനന്തപുരം സെന്‍ട്രല്‍ ഷാലിമാര്‍ ദ്വൈവാര എക്‌സ്പ്രസ് റദ്ദാക്കിയിട്ടുണ്ട്. അതേസമയം ജൂണ്‍ ഒന്നിന് തിരിച്ച സില്‍ച്ചര്‍-തിരുവനന്തപുരം , ദിബ്രുഗഡ്- കന്യാകുമാരി, വിവേക് എക്‌സ്പ്രസ് ട്രെയിനുകളും വഴി തിരിച്ചുവിട്ടിട്ടുണ്ട്. 

അതേസമയം ഒഡീഷയിലുണ്ടായത് പത്തുവര്‍ഷത്തിനിടെയുണ്ടായ ഏറ്റവും വലിയ ട്രെയിന്‍ അപകടമെന്ന് റെയില്‍വേ മന്ത്രാലയം അറിയിച്ചു. സിഗ്നനല്‍ സംവിധാനം പാളിയതിനാല്‍ രണ്ടാമത്തെ ട്രെയിനിന് മുന്നറിയിപ്പ് നല്‍കാന്‍ സാധിച്ചില്ല. അതേസമയം ട്രെയിനില്‍ എത്രപേരുണ്ടായിരുന്നതെന്നടക്കമുള്ള കൃത്യമായ കണക്കുകള്‍ വന്നിട്ടില്ല.