മ​ത്സ്യം ക​ഴി​ക്കു​ന്ന​തി​നും വിലക്ക് വ​രും; കശാപ്പു നിരോധനത്തിലൂടെ ആര്‍എസ്എസ് അജൻഡ നടപ്പാക്കുന്നു: മുഖ്യമന്ത്രി

കശാപ്പു നിരോധനത്തിലൂടെ ആര്‍എസ്എസ് അജൻഡ നടപ്പാക്കുന്നു: മുഖ്യമന്ത്രി

കശാപ്പ്​ നിരോധിക്കാനുള്ള കേന്ദ്രസര്‍ക്കാരിന്റെ തീരുമാനം ആർഎസ്​എസ്​ അജണ്ട നടപ്പിലാക്കുന്നതി​​ന്റെ  ഭാഗമാണെന്ന്​ മുഖ്യമന്ത്രി പിണറായി വിജയൻ.

ഇ​പ്പോ​ള്‍ ക​ന്നു​കാ​ലി​ക​ള്‍​ക്കാ​ണ് നി​രോ​ധ​ന​മെ​ങ്കി​ല്‍ ഇ​നി മ​ത്സ്യം ക​ഴി​ക്കു​ന്ന​തി​നും നി​രോ​ധ​നം വ​രും. കന്നുകാലികളെ കൊല്ലുന്നതിനുള്ള നിരോധനം രാജ്യത്ത് ലക്ഷക്കണക്കിന് ആളുകളുടെ തൊഴില്‍ ഇല്ലാതാകുമെന്നും മുഖ്യമന്ത്രി പറഞ്ഞു.

ഇന്ന ഭക്ഷണമേ കഴിക്കാൻ പാടുള്ളു എന്ന്​ പറയാൻ സര്‍ക്കാരിന് അധികാരമില്ല. ഇ​ന്ത്യ​യി​ലെ എ​ല്ലാ മ​ത​വി​ഭാ​ഗ​ക്കാ​രി​ലും മാം​സം ക​ഴി​ക്കു​ന്ന​വ​രു​ണ്ട്. ഇ​ന്ത്യ​യി​ലെ ജ​ന​ങ്ങ​ളു​ടെ പ്ര​ധാ​ന പോ​ഷ​കാ​ഹാ​ര​മാ​ണ് മാം​സം. അ​തെ​ല്ലാം മ​റ​ന്നു കൊ​ണ്ടാ​ണ്
അ​റ​വു​നി​രോ​ധ​നം ഏ​ര്‍​പ്പാ​ടാ​ക്കി​യ​ത്. ബഹുസ്വരതയാണ് നമ്മുടെ ജനാധിപത്യത്തിന്‍റെ അന്ത:സത്ത. അതിന് വിരുദ്ധമായ നടപടികളാണ് കേന്ദ്രസര്‍ക്കാരില്‍ നിന്ന് ഉണ്ടാകുന്നതെന്നും മുഖ്യമന്ത്രി കൂട്ടിച്ചേര്‍ത്തു.

കശാപ്പ്​ നിരോധനം പ്രഖ്യാപിക്കും മുമ്പ് സംസ്ഥാനങ്ങളുടെ അഭിപ്രായം കേള്‍ക്കാനും പരിഗണിക്കാനും കേന്ദ്രം തയ്യാറാകേണ്ടതുണ്ട്. സംസ്ഥാനങ്ങള്‍ക്ക് പല സവിശേഷതകളുമുണ്ട്. ഫെഡറല്‍ സംവിധാനത്തില്‍ ഇത്തരം കാര്യങ്ങളില്‍ സംസ്ഥാനങ്ങളെ വിശ്വാസത്തിലെടുക്കാന്‍ കേന്ദ്രത്തിന് ഉത്തരവാദിത്തമുണ്ട്. ഫെഡറല്‍ സംവിധാനം തന്നെ തകര്‍ക്കുന്ന രീതിയിലാണ് കേന്ദ്രം നീങ്ങുന്നതെന്നും മുഖ്യമന്ത്രി പറഞ്ഞു.