സംസ്ഥാനത്ത് പ്ലസ് വൺ ക്ലാസുകൾ ജൂൺ 18ന് ആരംഭിക്കും, ആദ്യ അലോട്ട്മെൻ്റ് തിങ്കളാഴ്ച, പ്രവേശനം ചൊവ്വാഴ്ച മുതൽ

പ്രധാനഘട്ട അലോട്ട്‌മെന്റുകള്‍ പൂര്‍ത്തിയാക്കി 2025-26 അധ്യയന വര്‍ഷത്തെ പ്ലസ് വണ്‍ ക്ലാസുകള്‍ ജൂണ്‍ 18ന് ആരംഭിക്കുമെന്ന് പൊതുവിദ്യഭാസ മന്ത്രി വി ശിവന്‍കുട്ടി.

പ്രധാനഘട്ട അലോട്ട്‌മെന്റുകള്‍ പൂര്‍ത്തിയാക്കി 2025-26 അധ്യയന വര്‍ഷത്തെ പ്ലസ് വണ്‍ ക്ലാസുകള്‍ ജൂണ്‍ 18ന് ആരംഭിക്കുമെന്ന് പൊതുവിദ്യഭാസ മന്ത്രി വി ശിവന്‍കുട്ടി. പ്ലസ് വണ്‍ പ്രവേശനത്തിനായി ഓണ്‍ലൈനില്‍ ലഭിച്ച 4,62,768 അപേക്ഷകളിലെ ഓപ്ഷനുകള്‍ പരിഗണിച്ചുള്ള ട്രയല്‍ അലോട്ട്‌മെന്റ് നേരത്തെ പ്രസിദ്ധീകരിച്ചിരുന്നു. തിരുത്തലുകള്‍ക്കു ആവശ്യമെങ്കില്‍ ഓപ്ഷനുകള്‍ പുനക്രമീകരിക്കുന്നതിനുള്ള അവസരവും അപേക്ഷകര്‍ക്ക് നല്‍കിയിരുന്നു.

സര്‍ക്കാര്‍ എയ്ഡഡ് സ്‌കൂളൂകളിലെ മെറിറ്റ് ക്വാട്ടയിലെ 3,16,000 സീറ്റുകളിലേക്കാണ് അലോട്ട്‌മെന്റ് നടക്കുന്നത്. എയ്ഡഡ് സ്‌കൂളൂകളിലെ കമ്മ്യൂണിറ്റി ക്വാട്ട്,മാനേജ്‌മെന്റ് ക്വാട്ട, അണ്‍- എയ്ഡഡ് ക്വാട്ട സീറ്റുകള്‍ ഉള്‍പ്പട് ആകെ 4,42,012 സീറ്റുകളാണ് സംസ്ഥാനത്തുള്ളത്. മുഖ്യഘട്ടത്തിലെ ആദ്യ അലോട്ട്‌മെന്റ് ജൂണ്‍ 2ന് വൈകീട്ട് 5 മണിക്ക് പ്രസിദ്ധീകരിക്കും.ജൂണ്‍ 3ന് രാവിലെ 10 മുതല്‍ ജൂണ്‍ 5 വൈകീട്ട് 5 മണി വരെ നേടാം. ഇതിനൊപ്പം മോഡല്‍ റെസിഡെന്‍ഷ്യല്‍ സ്‌കൂളുകളിലെ പ്രവേശനത്തിനുള്ള അലോട്ട്‌മെന്റും സ്‌പോര്‍ട്‌സ് ക്വാട്ട് പ്രവേശനത്തിനുള്ള അലോട്ട്‌മെന്റും പ്രസിദ്ധീകരിക്കും. മുഖ്യഘട്ടത്തിലെ രണ്ടാമത്തെ അലോട്ട്‌മെന്റ് ജൂണ്‍ 10നും മൂന്നാമത്തെ അലോട്ട്‌മെന്റ് ജൂണ്‍ 16നും പ്രസിദ്ധീകരിച്ച മുഖ്യഘട്ട അലോട്ട്‌മെന്റുകള്‍ പൂര്‍ത്തിക്കരിക്കുമെന്നും മന്ത്രി വാര്‍ത്താസമ്മേളനത്തില്‍ അറിയിച്ചു.