മാധ്യമപ്രവർത്തകനെ അറസ്റ്റ് ചെയ്ത സംഭവത്തിൽ തെറ്റുപറ്റിയെന്ന് പൊലീസ്

പൊലീസിന് തെറ്റുപറ്റി; മാധ്യമപ്രവർത്തകരെ അറസ്റ്റ് ചെയ്ത സംഭവത്തിൽ കുറ്റം സമ്മതിച്ച് പൊലീസ്

കോഴിക്കോട് ജില്ലാകോടതിയിൽ നിന്നും മാധ്യമപ്രവർത്തകരെ അറസ്റ്റ് ചെയ്ത് നീക്കിയ സംഭവത്തിൽ പൊലീസിന് വീഴ്ചപറ്റി. പൊലീസിനു തെറ്റുപറ്റിയെന്നും ഇക്കാര്യം അറസ്റ്റ് ചെയ്ത മാധ്യമപ്രവർത്തകനോട് പറഞ്ഞുവെന്നും ടൗൺ സി ഐ വ്യക്തമാക്കി. പല പൊലീസ് ഉദ്യോഗസ്ഥരും പല വിശദീകരണമാണ് നൽകുന്നത്. ടൗൺ പൊലീസ് സ്റ്റേഷനിലേക്ക് കൊണ്ടുപോയ ഇവരെ പിന്നീട് വിട്ടയച്ചു.

ഐസ്ക്രീം കേസിൽ വി എസ് അച്യുതാനന്ദൻ നൽകിയ റിവ്യൂഹർജി ഇന്നു ഒന്നാം ക്ലാസ് മജിസ്ട്രേറ്റ് കോടതി പരിഗണിക്കാനിരിക്കെയാണു സംഭവം. റിപ്പോർട്ട് ചെയ്യാനെത്തിയ മാധ്യമപ്രവർത്തകരെ പൊലീസ് അറൿറ്റ് ചെയ്യുകയായിരുന്നു. ലൈവ് സംവിധാനമുള്ള വണ്ടിയും പൊലീസ് പിടിച്ചെടുത്തു. ജില്ലാ ജഡ്ജിയുടെ നിർദേശപ്രകാരമാണ് നടപടിയെന്നായിരുന്നു അറസ്റ്റ് ചെയ്ത പൊലീസിന്റെ വിശദീകരണം.

നിരവധിപേർ കോടതി പരിസരത്ത് ഉണ്ടായിരിക്കവെയാണ് പൊലീസ് ഇവരെ അറസ്റ്റ് ചെയ്തത്. പൊലീസ് വിശദീകരണം നൽകുന്നുണ്ടെങ്കിലും പലരും പല തരത്തിലാണ് പറയുന്നത്. അതിനാൽ  ആരുടെ നിർദേശപ്രകാരമാണ് അറസ്റ്റ് എന്നത് വ്യക്തമല്ല. മാധ്യമ സ്വാതന്ത്യ്രം ഉറപ്പു വരുത്തണമെന്ന് കാനം രാജേശ്വരൻ പ്രതികരിച്ചു.