കറങ്ങിനടന്ന സ്‌കൂൾ വിദ്യാർത്ഥിനികൾ പിടിയിൽ

തിരുവനന്തപുരം: പോത്തൻകോട് വെള്ളാനിക്കൽ പറ മുകളിലെ ആളൊഴിഞ്ഞ സ്ഥലങ്ങളിൽ യുവാക്കൾക്കൊപ്പം അസ്വാഭാവികമായ രീതിയിൽ കറങ്ങിനടന്ന പ്രായപൂർത്തി ആകാത്ത പെൺകുട്ടികളെ പോലീസ് പിടികൂടി സ്റ്റേഷനിലെത്തിച്ചു. ഏഴു പെൺകുട്ടികളാണ് സ്‌കൂളിൽ പോകാതെ കറങ്ങിനടന്നതിനു പിടിയിലായത്.

ജില്ലയിലെ വിവിധ സ്‌കൂളുകളിൽ പഠിക്കുന്ന ഈ ഏഴു വിദ്യാർത്ഥിനികളെയും ഏഴു യുവാക്കളെയുമാണ് പോത്തൻകോട് പോലീസ് പിടികൂടിയത്. പാറമുകളിലെ വിവിധ സ്ഥലങ്ങളിൽ നിന്നാണ് ഇവരെ പിടികൂടിയത്.

നാട്ടുകാരുടെ പരാതിയുടെ അടിസ്ഥാനത്തിലാണ് പോലീസ് പരിശോധന നടത്തിയത്. പെൺകുട്ടികൾ പ്രായപൂർത്തി ആകാത്തതിനാൽ രക്ഷിതാക്കളെ വിളിച്ചുവരുത്തിയാണ് വിട്ടയക്കാൻ പോലീസ് തീരുമാനിച്ചത്.