ശബരിമലയിൽ സൌകര്യങ്ങൾ കൂടുതൽ മെച്ചപ്പെടുത്താൻ സർക്കൻ 4.5 കോടി രൂപ അനുവദിച്ചു. ഇടത്താവളങ്ങളിലെ അടിസ്ഥാന സൌകര്യ വികസനങ്ങൾക്കായാണ് തദ്ദേശ സ്വയംഭരണ വകുപ്പ് 4.5 കോടി രൂപ അനുവദിച്ചിരിക്കുന്നത്. ശബരിമല ഇടത്താവളങ്ങൾ തീർത്ഥാടന സൌഹൃദ കേന്ദ്രങ്ങളാക്കുമെന്ന് തദ്ദേശ സ്വയംഭരണ വകുപ്പ് മന്ത്രി എ സി മൊയ്ദീൻ പറഞ്ഞു.
ഇടത്താവളങ്ങളിൽ ശബരിമല തീർത്ഥാടകർക്ക് ആവശ്യമായ സൌകര്യങ്ങൾ അതത് തദ്ദേശ സ്വയംഭരണ സ്ഥാപനങ്ങൾ ഒരുക്കി നൽകും. ഇടത്താവളങ്ങളിൽ ശുചിത്വം ഉറപ്പുവരുത്താനുള്ള നടപടികൾ സ്വീകരിക്കുമെന്നും മന്ത്രി എ സി മൊയ്ദീൻ വ്യക്തമാക്കി.