ശബരിമല ഡ്യൂട്ടിക്ക് ജീവനക്കാരുമായി പോയ ഫയര്‍ഫോഴ്‌സ് ബസ്സിന്റെ ടയറുകള്‍ ഊരിത്തെറിച്ചു

ശബരിമല ഡ്യൂട്ടിക്ക് ജീവനക്കാരുമായി പോയ ഫയര്‍ഫോഴ്‌സ് ബസ്സിന്റെ ടയറുകള്‍ ഊരിത്തെറിച്ചു. ബസ്സില്‍ 32 ഫയര്‍ഫോഴ്‌സ് ജീവനക്കാരാണ് ഉണ്ടായിരുന്നത്. ഇവര്‍ തലനാരിഴയ്ക്കാണ് രക്ഷപ്പെട്ടത്. ഇന്ന് പുലര്‍ച്ചെ അഞ്ചരയോടെയാണ് സംഭവം. ആറ്റിങ്ങല്‍ ആലങ്കോട് വച്ചാണ് അപകടമുണ്ടായത്.

പുറകുവശത്തെ ഇടതുഭാഗത്തെ രണ്ടു ടയറുകള്‍ ആണ് ഊരി തെറിച്ചത്. പിന്നീട് ബസ്സ് റോഡില്‍ നിരങ്ങിയാണ് നിന്നത്. തെറിച്ചുപോയ ടയറുകളില്‍ ഒന്ന് ഇതുവരെയും കണ്ടെത്തിയിട്ടില്ല.