സ്ത്രീകൾ നയിക്കുന്ന പെൺവാണിഭ സംഘം പിടിയിൽ

എറണാകുളം : കൊച്ചിയിൽ സ്ത്രീകൾ നയിക്കുന്ന പെൺവാണിഭ സംഘം പോലീസ് വലയിലായി. അന്തര സംസ്ഥാന ബന്ധങ്ങളുള്ള പെൺവാണിഭ സംഘത്തിലെ സെറീന എന്ന സ്ത്രീയാണ് പിടിയിലായവരിൽ ഒരാൾ. 

ഇവർക്കൊപ്പം ശ്യാം എന്ന സഹായിയും മറ്റൊരു സ്ത്രീയും പോലീസ് പിടിയിലായിട്ടുണ്ട്. കൊച്ചി എളമക്കര കേന്ദ്രീകരിച്ചു നടത്തുന്ന വാണിഭ സംഘത്തിൽ നിന്നും കടുത്ത ലൈംഗിക പീഡനത്തിന് ഇരയായ 20 കാരിയായ ബംഗ്ലാദേശ് യുവതിയെ പോലീസ് രക്ഷിച്ച് സംരക്ഷണയിൽ ആക്കിയിട്ടുണ്ട്. മാതാപിതാക്കൾ നഷ്ടപ്പെട്ട കുട്ടി പന്ത്രണ്ടാം വയസിലാണ് ഒരു ബന്ധുവിനൊപ്പു ഇന്ത്യയിൽ എത്തിയത്. എന്നാൽ കുട്ടി പിന്നീട് പെൺവാണിഭ സംഘത്തിൻ്റെ കെണിയിൽ പെടുകയായിരുന്നു. 

ഒരാഴ്ച മുമ്പ് സെറീന ബംഗളൂരാവിൽ നിന്നാണ് കുട്ടിയെ കൊച്ചിയിൽ എത്തിച്ചത്. കുട്ടിയെ സംഘം ഇരുപത് പേർക്ക് കാഴ്ചവച്ചു എന്നാണ് പോലീസ് നൽകിയ വിവരം. മറ്റു സംഘാംഗങ്ങളെ പിടി കൂടാൻ പോലീസ് വ്യാപക അന്വേഷണം ആരംഭിച്ചിട്ടുണ്ട്.