നീരോഴുക്ക് ശക്തം, പെരിങ്ങൽക്കുത്ത് ഡാം തുറന്നു, വാളയാർ ഡാം ഇന്ന് തുറക്കും

കനത്ത മഴയെ തുടർന്ന് ജലനിരപ്പ് ഉയർന്നതോടെ പെരിങ്ങൽകുത്ത് ഡാമിന്റെ ഷട്ടറുകൾ തുറന്നു. ചാലക്കുടി പുഴയോരത്ത് ജാഗ്രതാ നിർദേശം പുറപ്പെടുവിച്ചിട്ടുണ്ട്. ജലനിരപ്പ് ഉയരും എന്നതിനാൽ ആളൂകൾ നദിയിൽ ഇറങ്ങരുത് എന്ന് നിർദേശം നൽകിയിട്ടുണ്ട്. താഴ്ന്ന പ്രദേശത്ത് താമസിയ്ക്കുന്നവരെ ആവശ്യമെങ്കിൽ ക്യാംപുകളിലേയ്ക്ക് മാറ്റാനും നിർദേശം നൽകി. 

വളയാർ ഡാമിന്റെ ഷട്ടറുകൾ ഇന്ന് പത്തുമണിയൊടെ ഉയർത്തും. വയനാട്ടിലും അതിശക്തമായ മഴ തുടരുകയാണ്. മാനന്തവാടിയിലും പനമരത്തും നദിയിലെ ജലനിരപ്പ് വലിയ രീതിയിൽ ഉയർന്നിട്ടുണ്ട്. ജനങ്ങൾ ജാഗ്രത പാലിയ്ക്കണം എന്ന് ജില്ലാ ഭരണകൂടം നിർദേശം നൽകിയിട്ടുണ്ട്.