വ്യാപാര ദ്രോഹ നടപടികളില്‍ പ്രതിഷേധം: സംസ്ഥാനത്ത് ഇന്ന് കടയടപ്പ് സമരം

സംസ്ഥാനത്ത് ഇന്ന് കടയടപ്പ് സമരം. സംസ്ഥാനസര്‍ക്കാരിന്റെ വ്യാപാര ദ്രോഹ നടപടികളില്‍ പ്രതിഷേധിച്ചാണ് വ്യാപാരി വ്യവസായി ഏകോപന സമിതി കടകള്‍ അടച്ച് പ്രതിഷേധിക്കുന്നത്. അതേസമയം സമരത്തിന്റെ ഭാഗമായി സെക്രട്ടറിയേറ്റിലേക്ക് മാര്‍ച്ചും ധര്‍ണയും നടത്തും. പെട്രോള്‍- ഡീസല്‍ നിരക്ക് കുറയ്ക്കുക, വെള്ളക്കരവും വൈദ്യുതി ചാര്‍ജും കുറയ്ക്കുക, ക്ഷേമനിധി പെന്‍ഷന്‍ 1300 ആയി കുറച്ച നടപടി പിന്‍വലിക്കുക തുടങ്ങിയ ആവശ്യങ്ങള്‍ ഉന്നയിച്ചാണ് സമരം നടത്തുന്നത്.