വനിതാ ഡോക്ടറോട് അപമര്യാദയായി പെരുമാറിയ മെഡി.കോളേജ് ഡോക്ടർക്ക് സസ്‌പെൻഷൻ

തൃശൂർ : വനിതാ ജൂനിയർ ഡോക്ടറോട് അപമര്യാദയായി പെരുമാറിയ മെഡി.കോളേജ് ഡോക്ടർക്ക് സസ്‌പെൻഷൻ. ജനറൽ സർജറി വിഭാഗത്തിലെ അസോസിയേറ്റ് പ്രൊഫസറായ ഡോ.പോളി ടി. ജോസഫിനെയാണ് സസ്‌പെൻഡ് ചെയ്തത്.

അടുത്തിടെ നടന്ന പഠന യാത്രയിൽ പ്രൊഫസർ അപമര്യാദയായി പെരുമാറി എന്ന് ജൂനിയർ വനിതാ ഡോക്ടർ മെഡിക്കൽ കോളേജ് വുമൺ ആന്റി ഹരാസ്മെന്റ് ആൻറ് ഇന്റേണൽ കംപ്ലയിന്റ് കമ്മിറ്റിക്ക് നൽകിയ പരാതിയെ തുടർന്നാണ് അന്വേഷണത്തിൽ കാര്യമുണ്ടെന്നു കണ്ടെത്തിയത്. തുടർന്ന് ഉചിതമായ വകുപ്പുതല നടപടി എടുക്കാനും ശുപാർശ ഉണ്ടായി. തുടർന്നാണ് അദ്ദേഹത്തെ സസ്‌പെൻഡ് ചെയ്തത്.

മുമ്പ് ശസ്ത്രക്രിയാ സമയത്ത് ഒരു രോഗിയുടെ വയറ്റിൽ കത്രിക മറന്നുവച്ചു എന്ന സംഭവത്തിലും ഡോക്ടർ പോളി ജോസഫിനെതിരെ ആരോപണം ഉയർന്നിരുന്നു.