കെഎസ്ആര്‍ടിസി ബസില്‍ പെണ്‍കുട്ടിക്ക് നേരെ നഗ്‌നതാപ്രദര്‍ശനം നടത്തിയ അധ്യാപകന്‍ അറസ്റ്റില്‍. കോഴിക്കോട് കുറുമ്പായില്‍ സ്വദേശി ഷാനവാസിനെയാണ് താമരശ്ശേരി പോലീസ് അറസ്റ്റ് ചെയ്തത്.
വയനാട്ടില്‍ നിന്നും കോഴിക്കോട് പോവുകയായിരുന്ന ബസില്‍ വെച്ച് ഇന്നലെ വൈകീട്ടോടെയാണ് സംഭവം നടന്നത്. പെണ്‍കുട്ടി ബഹളം വെച്ചതോടെ മറ്റ് യാത്രക്കാര്‍ ഇടപെടുകയും ബസ് പോലീസ് സ്‌റ്റേഷനിലേക്ക് എത്തിക്കുകയുമായിരുന്നു. പെണ്‍കുട്ടിയുടെ മൊഴിയില്‍ അധ്യാപകനെതിരെ പോക്‌സോ അടക്കമുള്ള വകുപ്പുകള്‍ ചുമത്തി അറസ്റ്റ് ചെയ്തു. പൂവമ്പയി എ എം ഹയര്‍സെക്കന്‍ഡറി സ്‌കൂളിലെ അറബി അധ്യാപകനാണ് ഇയാള്‍.