കളിക്കുന്നതിനിടെ സാരി കഴുത്തില്‍ കുരുങ്ങി ഒന്‍പതുവയസുകാരന്‍ മരിച്ചു. തൃശൂര്‍ ഈസ്റ്റ് പാമ്പാടിയില്‍ വെട്ടത്ത് കമറുദ്ദീന്റെ മകന്‍ സല്‍മാന്‍ ഫാറൂക്ക് ആണ് മരിച്ചത്. സാരികൊണ്ട് കെട്ടിയ ഊഞ്ഞാലില്‍ കളിക്കുന്നതിനിടെയാണ് ഇന്നലെ അപകടം സംഭവിച്ചത്.
കൊണ്ടാഴി ഗവണ്‍മെന്റ് എഎല്‍പി സ്‌കൂളിലെ നാലാം ക്ലാസ് വിദ്യാര്‍ത്ഥിയാണ് സല്‍മാന്‍. അപകടം ഉണ്ടായതിനെതുടര്‍ന്ന് ഉടന്‍ കുട്ടിയെ തിരുവല്വാമല സര്‍ക്കാര്‍ ആശുപത്രിയില്‍ എത്തിച്ചെങ്കിലും ജീവന്‍ രക്ഷിക്കാന്‍ സാധിച്ചില്ല.