തിരുവാഭരണം മോഷ്ടിച്ചു: പൂജാരി പിടിയില്‍

മലപ്പുറം: ക്ഷേത്രത്തില്‍ നിന്നും തിരുവാഭരണം മോഷ്ടിച്ച കേസില്‍ പൂജാരി അറസ്റ്റില്‍.തിരൂരിലെ ക്ഷേത്രത്തിലാണ് മോഷണം നടന്നത്.

സംഭവത്തില്‍ നെന്മാറ സ്വദേശി മനക്കല്‍ ധനേഷിനെ തിരൂര്‍ പൊലീസ് അറസ്റ്റ് ചെയ്തു. അഞ്ച് പവനോളം തൂക്കം വരുന്ന തിരുവാഭരണം കവര്‍ന്ന ശേഷം പ്രതി അതെ മാതൃകയിലുള്ള വ്യാജ തിരുവാഭരണം തിരികെ വെക്കുകയായിരുന്നു.

എന്നാല്‍ സംശയത്തെ തുടര്‍ന്നു നടത്തിയ പരിശോധനയില്‍ തിരുവാഭരണത്തിലെ വ്യാജ സ്ഥിതി മനസ്സിലാക്കി. തുടര്‍ന്ന് ക്ഷേത്രം ഭാരവാഹികള്‍ നല്‍കിയ പരാതിയിലാണ് പോലീസ് പ്രതിയെ പിടികൂടിയത്.