ശ്രീകാര്യത്ത് യുവാവിനെ തൂങ്ങി മരിച്ച നിലയില്‍ കണ്ടെത്തിയ സംഭവം: ദുരൂഹതയില്ലെന്ന് പൊലീസ്

കഴിഞ്ഞദിവസം ശ്രീകാര്യത്ത് യുവാവിനെ കെട്ടിത്തൂങ്ങി മരിച്ച നിലയില്‍ കണ്ടെത്തിയ സംഭവത്തില്‍ ദുരൂഹതയില്ലെന്ന് പൊലീസ്. വര്‍ക്കല ചാവടിമുക്ക് മുട്ടപ്പലം തുണ്ടുവിള സ്വദേശി ഷൈജു(40) ആണ് മരിച്ചത്. ഞായറാഴ്ച ഇയാള്‍ പരിക്കുകളോടെ പൊലീസ് സ്റ്റേഷനില്‍ എത്തുകയും തന്നെ ചിലര്‍ ചേര്‍ന്ന് വെട്ടിപ്പരിക്കേല്‍പിച്ചുവെന്ന് പരാതിപ്പെടുകയും ചെയ്തിരുന്നു.

എന്നാല്‍ ഇയാള്‍ മദ്യപിച്ചിരുന്നതിനാല്‍ ഇയാളുടെ മൊഴി പൊലീസ് കാര്യമാക്കിയില്ല. പിന്നാലെ ആശുപത്രിയില്‍ പോകാന്‍ നിര്‍ദേശിക്കുകയായിരുന്നു. ആശുപത്രിയില്‍ ചികിത്സയിലായിരുന്ന ഇയാള്‍ അവിടുന്ന് മുങ്ങുകയും ആത്മഹത്യ ചെയ്യുകയുമായിരുന്നു.സംഭവത്തില്‍ കൂടുതല്‍ അന്വേഷണം നടന്നുകൊണ്ടിരിക്കുകയാണെന്നും പൊലീസ് പറഞ്ഞു.