കേരളത്തിലെ പുതുക്കിയ മഴ മുന്നറിയിപ്പ്; വിവിധ ജില്ലകളില്‍ നാളെ മുതല്‍ മഴയ്ക്ക് സാധ്യത

അന്തരീക്ഷച്ചുഴി രൂപപ്പെട്ട സാഹചര്യത്തില്‍ കേരളത്തില്‍ വീണ്ടും കാലവര്‍ഷം ശക്തിപ്പെടുന്നു. ഞായറാഴ്ച മുതല്‍ മിക്ക ജില്ലകളിലും ശക്തമായ മഴ ലഭിക്കാന്‍ സാധ്യത. വിവിധ ജില്ലകളില്‍ കേന്ദ്ര കാലാവസ്ഥാവകുപ്പ് മഞ്ഞ അലര്‍ട്ട് പ്രഖ്യാപിച്ചിരിക്കുന്നു.  

25 -06-2023: ആലപ്പുഴ, എറണാകുളം, തൃശൂര്‍, കോഴിക്കോട്

26 -06-2023: എറണാകുളം,കണ്ണൂര്‍ 

27-06-2023:  ആലപ്പുഴ,കോട്ടയം, എറണാകുളം, ഇടുക്കി, തൃശൂര്‍, പാലക്കാട്, മലപ്പുറം 

എന്നീ ജില്ലകളിലാണ്  കേന്ദ്ര കാലാവസ്ഥാവകുപ്പ് മഞ്ഞ അലര്‍ട്ട് പ്രഖ്യാപിച്ചിരിയ്ക്കുന്നത്. ഒറ്റപ്പെട്ട ശക്തമായ മഴയ്ക്കുള്ള സാധ്യതയാണ് പ്രവചിക്കപ്പെട്ടിരിക്കുന്നത്. 24 മണിക്കൂറില്‍ 64.5 മില്ലിമീറ്റര്‍ മുതല്‍ 115.5 മില്ലിമീറ്റര്‍ വരെ മഴ ലഭിക്കുന്ന സാഹചര്യത്തെയാണ് ശക്തമായ മഴ എന്നത് കൊണ്ട് അര്‍ത്ഥമാക്കുന്നത്. 

27-06-2023 ല്‍ ഇടുക്കി ജില്ലയില്‍ മഞ്ഞ അലര്‍ട്ട് ആണ് കേന്ദ്ര കാലാവസ്ഥാ വകുപ്പ് പ്രവചിച്ചിരിയ്ക്കുന്നതെങ്കിലും ഓറഞ്ച് അലര്‍ട്ടിന്  (24 മണിക്കൂറില്‍ 115.6 മില്ലിമീറ്റര്‍  മുതല്‍ 204.4 മില്ലിമീറ്റര്‍ വരെ മഴ) സമാനമായ മഴ പ്രതീക്ഷിക്കാവുന്നതാണെന്നുള്ള മുന്നറിയിപ്പ് നല്‍കുന്നു.