സെന്‍കുമാര്‍ പൊലീസ് സേനയ്ക്ക് തന്നെ അപമാനം - ആഞ്ഞടിച്ച് താരങ്ങള്‍

‘മാന്യതയില്ലാത്ത, അന്തസ്സില്ലാത്ത പെരുമാറ്റമായി പോയി അത്’

കൊച്ചിയില്‍ ആക്രമിക്കപ്പെട്ട നടിക്കെതിരെ മുന്‍ പൊലീസ് മേധാവി ടിപി സെന്‍കുമാര്‍ നടത്തിയ പരാമര്‍ശങ്ങള്‍ക്കെതിരെ രൂക്ഷ വിമര്‍ശനവുമായി 'വിമന്‍ ഇന്‍ സിനിമാ കളക്ടീവ് രംഗത്ത്. സെന്‍കുമാറിന്റെ പരാമര്‍ശം ചലച്ചിത്ര മേഖലയില്‍ തൊഴിലെടുക്കുന്ന എല്ലാ സ്ത്രീകളെയും അപമാനിക്കുന്നതാണെന്ന് കൂട്ടായ്മ പറഞ്ഞു. സെന്‍കുമാര്‍ പൊലീസ് സേനയ്ക്ക് തന്നെ അപമാനമാണെന്നും ഇവര്‍ പറയുന്നു. 

നടി ആക്രമിക്കപ്പെട്ട കേസിന്റെ ചുമതലക്കാരനായിരുന്ന പൊലീസ് മേധാവിയാണ് ഇത്രയും ഹീനവും സ്ത്രീവിരുദ്ധവുമായ പരാമര്‍ശം നടത്തിയതെന്ന വസ്തുത ഞെട്ടലോടെയാണ് കേട്ടത്. മുന്‍ പൊലീസ് മേധാവിയുടെ മാന്യതയില്ലാത്ത, അന്തസ്സില്ലാത്ത ഈ പരാമര്‍ശത്തെ അങ്ങേയറ്റം അപലപിക്കുന്നു. 

സെന്‍കുമാറിനെതിരെ നിയമനടപടി ആവശ്യപ്പെട്ട് വനിതാ കമ്മീഷനെ സമീപിക്കുമെന്നും കൂട്ടായ്മ വ്യക്തമാക്കി. സമകാലിക മലയാളം വാരികയ്ക്ക് അഭിമുഖം നല്‍കുന്നതിനിടെയായിരുന്നു മുന്‍ പൊലീസ് മേധാവിയുടെ വിവാദ പരാമര്‍ശങ്ങള്‍.

വുമണ്‍ ഇന്‍ കളക്ടീവിന്റെ ഫേസ്ബുക്ക് പോസ്റ്റ്: