ആ ഒരൊറ്റ മൊഴി ദിലീപിനെ ആജീവനാന്തം ജയിലില്‍ കിടത്തും? അത് മഞ്ജുവും അല്ല ആക്രമിക്കപ്പെട്ട നടിയുമല്ല!

പി സി ജോര്‍ജ്ജ് എത്ര ശ്രമിച്ചിട്ടും കാര്യമില്ല, അയാളുടെ മൊഴി ദിലീപിനെതിരാണെങ്കില്‍?...

നടിയെ ആക്രമിച്ച കേസില്‍ റിമാന്‍ഡില്‍ കഴിയുന്ന നടന്‍ ദിലീപിന് ആശ്വസിക്കാവുന്ന റിപ്പോര്‍ട്ടുകള്‍ ഒന്നും തന്നെ പുറത്തുവരുന്നില്ല. ഹൈക്കോടതിയില്‍ സമര്‍പ്പിച്ചിരിക്കുന്ന പുതിയ ജാമ്യാപേക്ഷയില്‍ മഞ്ജു വാര്യര്‍ക്കെതിരേയു ലിബര്‍ട്ടി ബഷീറിനെതിരേയും നിരവധി ആരോപണങ്ങളാണ് ദിലീപ് ഉന്നയിക്കുന്നത്. എന്നാല്‍, അപ്പുണ്ണിയുടെ മൊഴി താരത്തിനെ കുടുക്കുമെന്നാണ് റിപ്പോര്‍ട്ടുകള്‍.

അപ്പുണ്ണിയും മൊബൈല്‍ ഫോണും തന്നെയാവും ദിലീപിനെതിരെ പോലീസ് ഉപയോഗിക്കുക. ജാമ്യം നല്‍കാതിരിക്കാനുള്ള പണികള്‍ എല്ലാം പൊലീസ് ചെയ്യും. ദിലീപിന്റെ മനസാക്ഷി സൂക്ഷിപ്പ്കാരനും മാനേജറുമായ അപ്പുണ്ണിയെ നേരത്തെ രണ്ട് വട്ടം പോലീസ് ചോദ്യം ചെയ്ത് വിട്ടയച്ചതാണ്. എന്നാല്‍ അപ്പുണ്ണിക്ക് പോലീസ് ക്ലീന്‍സിറ്റ് നല്‍കിയിട്ടില്ല. അപ്പുണ്ണിയെ ചുറ്റിപറ്റി അന്വേഷണം നടന്നുകൊണ്ടിരിക്കുകയാണ്.

ദിലീപിന്റെ ജാമ്യാപേക്ഷയെ എതിര്‍ക്കുന്ന പൊലീസിന്റെ സത്യവാങ്മൂലത്തിലാണ് അപ്പുണ്ണിയെ സംബന്ധിച്ചുള്ള വെളിപ്പെടുത്തല്‍‍. അപ്പുണ്ണി നല്‍കിയ മൊഴി വിശ്വാസത്തിലെടുക്കാന്‍ സാധിക്കില്ലെന്നും പോലീസ് പറയുന്നു. ദിലീപിനെതിരെയാണ് അപ്പുണ്ണി മൊഴി നല്‍കിയിരിക്കുന്നതെങ്കില്‍ ദിലീപ് കുടുങ്ങും. ദിലീപിനെ പൂട്ടാന്‍ പോലീസിന് വേണ്ടിയിരുന്ന എല്ലാ വിവരങ്ങളും രണ്ടാം വട്ട ചോദ്യം ചെയ്യലില്‍ അപ്പുണ്ണിയില്‍ നിന്നും ലഭിച്ചിട്ടുണ്ട് എന്നാണ് അറിയുന്നത്.