കുന്ദമംഗലത്ത് ഭര്‍ത്താവ് ഭാര്യയെ വെട്ടിക്കൊന്നു

കുന്ദമംഗലത്ത് ഭര്‍ത്താവ് ഭാര്യയെ വെട്ടിക്കൊന്നു; ഒളിവിലായിരുന്ന ഭര്‍ത്താവ് പൊലീസ് പിടിയില്‍

കുന്ദമംഗലത്ത് ഭാര്യയെ ഭര്‍ത്താവ് വെട്ടിക്കൊന്നു. പെരിങ്ങളം മില്‍മയ്ക്ക് സമീപം എടമ്പാട്ടില്‍ താഴത്ത് മറിയംബീവിയുടെ വീടിനു പുറകിലെ ചായ്പില്‍ വാടകയ്ക്ക് താമസിക്കുകയായിരുന്ന നാസറിന്റെ ഭാര്യ റംലയാണ് വെട്ടേറ്റ് മരിച്ചത്.

കൊടുവാള്‍ കൊണ്ട് ക്രൂരമായി വെട്ടേറ്റ നിലയിലായിരുന്നു മൃതദേഹം കിടന്നിരുന്നത്. റംലയുടെ തലയ്ക്കും വയറിനുമാണ് വെട്ടേറ്റത്ത്. റംലയുടെ നിലിളി കേട്ട് ഓടിക്കൂടിയ നാട്ടുകാര്‍ രക്തത്തില്‍ കുളിച്ച് പിടയുന്ന റംലയെയാണ് കണ്ടത്. ഭര്‍ത്താവ് നാസര്‍ ഓടിപ്പോകുന്നതും കണ്ടിരുന്നു. 

ഉടന്‍ തന്നെ റംലയെ മെഡിക്കല്‍ കോളേജില്‍ പ്രവേശിപ്പിച്ചെങ്കിലും രക്ഷിക്കാനായില്ല. റംലയെ കൊലപ്പെടുത്തിയതിന് പിന്നാലെ ഒളിവില്‍പ്പോയ നാസറിനെ പിന്നീട് അറസ്റ്റ് ചെയ്തു. കൊലപാതകത്തിന്റെ കാരണം വ്യക്തമല്ല.