ദിലീപിനെ രക്ഷിക്കാന്‍ ബിജെപി?

ദിലീപിനെ കേസില്‍ നിന്നും രക്ഷിക്കാന്‍ ബിജെപി ?

കൊച്ചിയില്‍ യുവനടി ആക്രമിക്കപ്പെട്ട സംഭവത്തില്‍ ജാമ്യം ലഭിച്ച് പുറത്തിറങ്ങിയ നടന്‍ ദീലിപിനുവേണ്ടി ബിജെപി ഇടപെടുന്നതായി സൂചന. കേസില്‍ ദിലീപിനെ 85 ദിവസം ജയിലിലടച്ച സംഭവത്തില്‍ പ്രധാനമന്ത്രിയുടെ ഓഫീസ് ചീഫ് സെക്രട്ടറിയില്‍ നിന്നും വിശദീകരണം ചോദിച്ചത് സംസ്ഥാനത്തെ ബിജെപി നേതാക്കളുടെ അറിവോടെയെന്ന് റിപ്പോര്‍ട്ട്.

പ്രമുഖ ബിജെപി നേതാവ് ദിലീപിന് വേണ്ടി പരസ്യമായി രംഗത്തുവരികയും ക്ഷേത്രത്തില്‍ വഴിപാട് കഴിച്ചതായി അറിയിക്കുകയും ചെയ്തിരുന്നു. കോടതി നാലുവട്ടം ജാമ്യം നിഷേധിച്ച ദിലീപിനെതിരെ ശക്തമായ തെളിവുണ്ടെന്നാണ് പൊലീസിന്റെ വാദം. എന്നാല്‍ ദിലീപ് നിരപരാധിയാണെന്ന തരത്തില്‍ ബിജെപി അണികള്‍ സോഷ്യല്‍ മീഡിയയില്‍ പ്രചാരണം നടത്താന്‍ ആരംഭിക്കുകയും ചെയ്തിട്ടുണ്ട്.